影片
更多
2023-04-25
517 瀏覽
餐廳：Still (土瓜灣)地址：土瓜灣馬頭圍道63號啟岸1樓06號舖土瓜灣啟岸巷子落成咗唔夠兩年，已經有多間餐廳進駐地下同一樓嘅商場，地下美食嘅消閒大道配合無頂式長廊設計，加上一樓嘅露天平台，成個氛圍都充滿住日式風格🇯🇵，吸引咗唔少人過嚟打卡同食飯，而大部份餐廳同樣承載住日式元素🏮今次去咗呢間西班牙日式Fusion餐廳——Still，當我哋仍然活着Still Alive，你又會唔會把握機會珍惜每一個Day and Night呢🌙？餐廳裝修俾人一種舒適、恍如置身叢林嘅感覺🌴，各樣綠色植物裝飾，加上每張枱櫈都沿用唔同木系風格同設計，充滿咗藝術時尚感今次叫咗呢個全新推出嘅二人晚市套餐($698)，先送上一碟Welcoming food——日式魷魚軟骨，餐廳用咗特製嘅味付醬汁去調味，惹味得嚟食落爽口😙。呢個Set包咗8選3西班牙小菜，3選1主食，2選1甜品，另外叫飲品第2杯仲免費添😍✝️招牌沙律用咗爽脆嘅西班牙小寶石生菜🥬、粟米🌽、牛油果🥑，配上自家製凱撒沙律醬整成，鹹香得嚟唔會好溜，小寶石生菜仲要細細棵上碟，比起平時食嘅沙律菜有更豐富嘅層次感👍✝️白鯷魚香草蕃茄多士西班牙菜好常見嘅白鯷魚，用咗
地址：土瓜灣馬頭圍道63號啟岸1樓06號舖
土瓜灣啟岸巷子落成咗唔夠兩年，已經有多間餐廳進駐地下同一樓嘅商場，地下美食嘅消閒大道配合無頂式長廊設計，加上一樓嘅露天平台，成個氛圍都充滿住日式風格🇯🇵，吸引咗唔少人過嚟打卡同食飯，而大部份餐廳同樣承載住日式元素🏮
今次去咗呢間西班牙日式Fusion餐廳——Still，當我哋仍然活着Still Alive，你又會唔會把握機會珍惜每一個Day and Night呢🌙？餐廳裝修俾人一種舒適、恍如置身叢林嘅感覺🌴，各樣綠色植物裝飾，加上每張枱櫈都沿用唔同木系風格同設計，充滿咗藝術時尚感
今次叫咗呢個全新推出嘅二人晚市套餐($698)，先送上一碟Welcoming food——日式魷魚軟骨，餐廳用咗特製嘅味付醬汁去調味，惹味得嚟食落爽口😙。呢個Set包咗8選3西班牙小菜，3選1主食，2選1甜品，另外叫飲品第2杯仲免費添😍
✝️招牌沙律
用咗爽脆嘅西班牙小寶石生菜🥬、粟米🌽、牛油果🥑，配上自家製凱撒沙律醬整成，鹹香得嚟唔會好溜，小寶石生菜仲要細細棵上碟，比起平時食嘅沙律菜有更豐富嘅層次感👍
✝️白鯷魚香草蕃茄多士
西班牙菜好常見嘅白鯷魚，用咗橄欖油、香草🌿、鹽等醃製，加上蕃茄蓉、車厘茄、炸蒜粒放喺香脆嘅多士上面，酸香開胃，一啲腥味都無😋
✝️火炙生牛肉片
用邊邊炙燒過嘅M5西冷牛肉切片🥩，包住爽脆清甜嘅萵筍條，加上黑白芝麻同自製辣椒蛋黃醬，賣相精緻吸引🤩。
鮮嫩嘅牛肉肉味香濃，蘸埋配搭送上嘅酸汁一齊食就更突顯牛肉嘅鮮味
✝️招牌西班牙海鮮炒飯
西班牙海鮮炒飯最重要喺用平底鑊做器皿🥘，咁先夠晒傳統同有特色，加上餐廳用西班牙日式fusion做法，除咗蝦🦐、魷魚圈🦑、青口之外仲加入咗左口魚、三文魚籽呢啲日式料理好常見嘅海產，
令炒飯更加與別不同，輕輕嘅飯焦、不可或缺嘅蕃紅花獨特香味、精心熬製嘅海鮮湯底，飯底帶有少少濕潤嘅口感同海鮮嘅精華香味
✝️是日甜品
是日甜品喺抹茶曲奇配紅豆雪糕🍨，咬開鬆脆嘅抹茶曲奇見到入面有朱古力醬同朱古力碎整成嘅內餡🍪，一啖曲奇一啖雪糕都幾過癮🥰
飲品用優惠叫咗個招牌西班牙水果茶($58)同
Flat White(Free)，水果茶用咗新鮮青蘋果🍏、香橙🍊、藍莓去沖製🫐，無額外加任何糖份，飲落以水果香為主，都幾清甜，仲有一個玻璃壺比客人自己斟嚟飲，打卡一流📸張貼
