影片
更多
2021-06-26
65 瀏覽
HARA位於佐敦，餐廳裝修型格，主色用咗黑色配上暖黃燈光，感覺好休閒輕鬆，同時亦都好引人注目，而且店內有半戶外座位，適合用嚟影相打卡。餐牌好簡潔乾淨，分門別類，選擇都有好多，無論係食晚飯，又或者係飲酒happy hour嘅客人都可以滿足到。先上前菜開胃。火炙魚生薄片沙律底下嘅薄片睇落以為係牛肉，拎起一睇發現原來係油甘魚，雖然切咗薄片但係依然食到半生熟嘅口感，燒嘅時間掌握得好好，雖然油甘魚本身嘅油份唔係好多，但係火炙過之後都聞到淡淡嘅魚油香，配上新鮮嘅蔬菜，個沙律好清新。日式炸白蝦白蝦炸至金黃色，咬落乾身酥脆，簡單咁加咗少許辣粉做調味，好惹味，送酒嘅話一流。蒜烤豬肋骨用蒜烤嘅方法去製作，採用左半肥瘦嘅肉，所以烤嘅過程令到豬肉嘅油脂香散發咗出嚟，另外肥肉嘅部份亦都唔算特別多，肉質好Juicy，加上蔥絲一齊食，降低到個油膩感。睡蟹意大利飯以前好似係用原隻蟹蓋上，而家轉左用碟上，有少少可惜，不過依然非常吸引，飯內食都有好多蟹肉絲，亦都有大量日蟹膏同埋三文魚子，成個味道好濃郁，另外risotto個汁應該係用南瓜煮，所以每一口飯都帶有少少南瓜嘅甜味，個味道有好多種層次，好配搭。椰皇焦糖燉蛋第一啖已
HARA位於佐敦，餐廳裝修型格，主色用咗黑色配上暖黃燈光，感覺好休閒輕鬆，同時亦都好引人注目，而且店內有半戶外座位，適合用嚟影相打卡。
餐牌好簡潔乾淨，分門別類，選擇都有好多，無論係食晚飯，又或者係飲酒happy hour嘅客人都可以滿足到。
先上前菜開胃。
火炙魚生薄片沙律
底下嘅薄片睇落以為係牛肉，拎起一睇發現原來係油甘魚，雖然切咗薄片但係依然食到半生熟嘅口感，燒嘅時間掌握得好好，雖然油甘魚本身嘅油份唔係好多，但係火炙過之後都聞到淡淡嘅魚油香，配上新鮮嘅蔬菜，個沙律好清新。
日式炸白蝦
白蝦炸至金黃色，咬落乾身酥脆，簡單咁加咗少許辣粉做調味，好惹味，送酒嘅話一流。
蒜烤豬肋骨
用蒜烤嘅方法去製作，採用左半肥瘦嘅肉，所以烤嘅過程令到豬肉嘅油脂香散發咗出嚟，另外肥肉嘅部份亦都唔算特別多，肉質好Juicy，加上蔥絲一齊食，降低到個油膩感。
睡蟹意大利飯
以前好似係用原隻蟹蓋上，而家轉左用碟上，有少少可惜，不過依然非常吸引，飯內食都有好多蟹肉絲，亦都有大量日蟹膏同埋三文魚子，成個味道好濃郁，另外risotto個汁應該係用南瓜煮，所以每一口飯都帶有少少南瓜嘅甜味，個味道有好多種層次，好配搭。
椰皇焦糖燉蛋
第一啖已經聞到已經非常香嘅椰子味，食到最後見到個底就知道咩料，唔怪得咁香，因為啲彈藥已經浸晒落去個椰子肉入面，覺得上面嘅焦糖燒得好脆，伴隨椰子香好清新好特別。
煎芝士蛋糕配海鹽焦糖汁第一次食煎嘅芝士蛋糕，每一口都好有層次感，仙仙係外表煎趣左嘅酥皮，然後就係芝士蛋糕綿滑嘅口感，配上海鹽焦糖汁同埋一旁嘅生果，個口感好新鮮，好有創意。
張貼
