影片
更多
2025-07-02
294 瀏覽
琴晚同朋友去咗MamTom，間餐廳主打東南亞fusion菜，裝修好有品味，木系設計加埋暖黃燈光，坐落真係幾舒服，啱晒慢慢嘆。我哋叫咗幾款嘢，先上嘅係Beef Malaysian Satay，啲串燒牛肉香到爆，入口有焦香同啲花生醬嘅甜香，牛肉切得厚厚哋，啖啖肉汁，唔鞋口，仲配埋啲青瓜洋蔥解膩。Deep Fried Prawn Basket就係炸蝦籃，啲蝦炸到金黃色，外層脆卜卜，咬開啲蝦肉仲係爽彈，最正係佢個酸甜醬，點落去即刻提升晒味道，好啱開胃。之後嚟咗Bun Thit Nuong - Grilled Hanger，其實就係類似越南檬粉。啲米粉凍凍地，質感爽滑，底下有啲酸酸哋嘅醬汁，好清新。面頭鋪滿咗烤豬肉，啲肉切到薄薄哋，醃得好入味，有啲蜜糖香，仲帶啲焦香味。再加埋啲生菜、酸蘿蔔同花生碎，一齊拌嚟食，啲味酸酸甜甜又帶啲鹹香，好開胃，食到停唔到口。Bendi Belacan係蝦醬秋葵，啲秋葵炒到剛剛熟，咬落去爽脆，唔會黏糊糊。蝦醬味好香濃，鹹香又唔會太霸道，幾有東南亞風味。甜品我哋叫咗Passionfruit White Chocolate Cake，百香果醬酸酸甜甜，好清爽，白朱古力又
我哋叫咗幾款嘢，先上嘅係Beef Malaysian Satay，啲串燒牛肉香到爆，入口有焦香同啲花生醬嘅甜香，牛肉切得厚厚哋，啖啖肉汁，唔鞋口，仲配埋啲青瓜洋蔥解膩。
Deep Fried Prawn Basket就係炸蝦籃，啲蝦炸到金黃色，外層脆卜卜，咬開啲蝦肉仲係爽彈，最正係佢個酸甜醬，點落去即刻提升晒味道，好啱開胃。
之後嚟咗Bun Thit Nuong - Grilled Hanger，其實就係類似越南檬粉。啲米粉凍凍地，質感爽滑，底下有啲酸酸哋嘅醬汁，好清新。面頭鋪滿咗烤豬肉，啲肉切到薄薄哋，醃得好入味，有啲蜜糖香，仲帶啲焦香味。再加埋啲生菜、酸蘿蔔同花生碎，一齊拌嚟食，啲味酸酸甜甜又帶啲鹹香，好開胃，食到停唔到口。
Bendi Belacan係蝦醬秋葵，啲秋葵炒到剛剛熟，咬落去爽脆，唔會黏糊糊。蝦醬味好香濃，鹹香又唔會太霸道，幾有東南亞風味。
甜品我哋叫咗Passionfruit White Chocolate Cake，百香果醬酸酸甜甜，好清爽，白朱古力又滑又香，食完咸嘢嚟返件呢個真係啱晒。
飲品方面，我就嗌咗杯Coconut Smoothie，啲椰香勁濃郁，飲落滑滑哋又夠凍，成個口感好refreshing。
朋友就試咗杯Midnight Desire，原來係雞尾酒，杯面有裝飾，好有格調，飲落帶啲深色烈酒香，之後有微微果香同回甘，啲味層次幾豐富，唔會太甜又有啲kick。
張貼
