影片
更多
2022-06-22
203 瀏覽
疫情咁耐都冇去過食中餐，呢間我認我一直係fans 同鄰居。係少有嘅我會帶佢嘅外賣點心返屋企食。後尾一排知道佢哋裝修，咁就非常期待佢哋come back. 咁到上個禮拜終於都知道佢哋開返, 即刻約咗爹哋媽咪去嗰度食飯. 裝修果然改變咗好多，一睇擺盤就知道，嗰啲杯杯碟碟都換晒，令我驚喜嘅係似乎連廚房師傅都請多咗人，我見到有個講英文嘅廚師，但係華人咁嘅樣，喺度行嚟行去。之前小菜食咗咁多年，都會有悶嘅一日，咁而家就見到連餐牌都唔同咗，咁嗰日相熟嘅部長就同我哋介紹咗幾度新菜，原來呢間餐廳請多咗幾個廚師諗住加強手工菜嘅部份，咁我媽咪係個奄尖腥悶嘅人，佢話一間中菜師傅第一件事就睇點樣煮雞，我哋就嗌咗一隻炸子雞，再加一啲小菜，嗰隻炸子雞一上場，真係不得了，唔係講笑真係好好食，唯一好遺憾嘅係我冇影到相，點講呢，呢一隻炸子雞係外脆內軟，你完全搵唔到雞皮嘅肥同油，淨係趣卜卜，入面嘅肉係好嫩好嫩，超級重點推介。咁後尾我哋就問部長仲有咩好介紹，然後部長就介紹咗我哋食一個乳鴿釀鱷魚膠，睇個賣相都覺得勁，然後入面嗰舊鱷魚膠，亦都係令到我覺得好奇妙，因為我從來冇食過鱷魚膠，原來個味道係咁樣，呢個有影相啦！ 媽咪非常欣
咁後尾我哋就問部長仲有咩好介紹，然後部長就介紹咗我哋食一個乳鴿釀鱷魚膠，睇個賣相都覺得勁，然後入面嗰舊鱷魚膠，亦都係令到我覺得好奇妙，因為我從來冇食過鱷魚膠，原來個味道係咁樣，呢個有影相啦！
媽咪非常欣賞嗰個鱷魚膠：）
睇嚟呢間嘢做家禽做得好好😀
講真，好似去咗間新餐廳咁，但係又有啲相熟嘅部長，之所以會的起心肝寫呢一篇食評，就係因為食咗咁多年，其實冇寫過任何評論，見佢疫情居然捱咗咁耐都仲有一班老夥計，仲請埋新人，抵讚，有人情味。
當然食物好味就不嬲都係，而且而家仲有新菜式，希望佢哋繼續努力，搵日要去試吓佢哋晏晝點心，因為點心對我地一家來講實在太重要啦！
*杯杯碟碟改變左，連擺盤都唔同咗，雖然價錢都唔同咗，不過OK嘅，至少平過酒店先💪🏼加油!
乳鴿釀鱷魚膠
5 瀏覽
1 讚好
0 留言
張貼
