夏麵館 (樂富廣場)

營業中

休息中

年初三同朋友去左車公廟行大運,之後去左樂富拜年,我們在商場先醫肚,本來見水牌有一間食泰國菜,朋友話想食,上到去見到個門口好怪,原來係一間茶餐廳,但係兩邊有兩個名,有泰國嘢食,但感覺好奇怪,見前面有夏麵館就嚟左,都要等一陣位,我們等左十幾分鐘左右入座.我想飲酸辣湯,但係冇,朋友話有酸辣湯麵,就叫左一碗,同埋叫左一個皮蛋豆腐及小籠包一齊食,先嚟皮蛋豆腐,賣相好靚喎,豆腐切得好細片,一夾起就爛,中間有些皮蛋,加埋D醬汁,豆腐好滑身好香好味喎,個醬有些麻油香味,咁樣配撘好夾,正呀.酸辣湯麵都好大碗架,不過味道不酸不辣,有點失色,麵的質地係唔似拉麵,扁扁地又幾爽幾彈牙,我在細看呢間餐廳的發跡史,原來D麵係好出名,自家製的,所以真的幾好味,如果個湯味道再弄得好點,可以再出色. 個湯都好多料的,有豆腐,木耳,笋等等.最後的小籠包有四隻的,原來都好大隻的,非一般小籠包,朋友話個頂自己開左個小孔,根本唔使自己咬開,但我食的兩隻都冇,唔知點解會咁,皮都薄身,肉汁都多,好味,不過朋友話都係鍾意一口一隻小籠包,比較食到成隻好味D,我都認同.餐廳在攪最佳笑容員工奬,我們兩個都發現員工真的笑容欠捧,大家都在想是否