影片
更多
2024-09-03
268 瀏覽
以前好渴望食自助餐，因為有生蠔食，後來因為衞生，處理問題，同埋我諗最緊要系成本，依家去食好多自助餐都食唔到生蠔。就算食到都係奀chi chi。如果鍾意食蠔嘅朋友，我建議唔好考慮自助餐，改嚟呢度食。真係正到跳舞，因為佢全部都非常飽滿。佢啲蠔黎自高木島，我check過，喺本州同四國中間嘅一個島。以上嘅資料對於我今次嘅進餐..... 冇特別幫助。🍖其實只要知道佢隻隻都系咁肥美已經好足夠。佢有分生蠔同焗蠔。先由生蠔講起。佢係屬於漲卜卜同埋勁creamy既個種，而且食到以前最經典嗰種自助餐生蠔嘅海水味。creamy唔代表膩，就係呢種海水味令到成個味道中和，佢又加入咗唔同嘅調味，蘿蔔蓉，雞尾酒漿，昆布，柚子，葱味，我最鍾意嘅係昆布，因為佢係用真昆布，相對較硬同埋爽嘅口感，配合蠔滑滑嘅質地，從對比中帶黎衝擊。生蠔仲要系放題咖。🍖呢度除咗生蠔，其實仲有好多好食嘅餸菜。佢嘅聰明之處系佢首先上咗八小碟嘅懷石料理。唔係想話佢首先用啲食物塞住你個胃，因為八小碟其實都超好味。而系想講如果我哋自己點，一定係會狂食生蠔。到時要返轉頭食到其他菜式嘅美味，幾乎就係冇可能。所以呢個其實系細心位。八小碟由淡味到濃味，由開胃
🍖其實只要知道佢隻隻都系咁肥美已經好足夠。佢有分生蠔同焗蠔。先由生蠔講起。佢係屬於漲卜卜同埋勁creamy既個種，而且食到以前最經典嗰種自助餐生蠔嘅海水味。creamy唔代表膩，就係呢種海水味令到成個味道中和，佢又加入咗唔同嘅調味，蘿蔔蓉，雞尾酒漿，昆布，柚子，葱味，我最鍾意嘅係昆布，因為佢係用真昆布，相對較硬同埋爽嘅口感，配合蠔滑滑嘅質地，從對比中帶黎衝擊。生蠔仲要系放題咖。
🍖呢度除咗生蠔，其實仲有好多好食嘅餸菜。佢嘅聰明之處系佢首先上咗八小碟嘅懷石料理。唔係想話佢首先用啲食物塞住你個胃，因為八小碟其實都超好味。而系想講如果我哋自己點，一定係會狂食生蠔。到時要返轉頭食到其他菜式嘅美味，幾乎就係冇可能。所以呢個其實系細心位。八小碟由淡味到濃味，由開胃小菜，到刺身，到燒鰻魚同肉串，到熱食嘅薯蓉料理，去到最後嘅蟹肉羊羹，先俾你優雅咁慢慢享受，再進入瘋狂嘅蠔食狀態。
🍖然後就係焗蠔，同埋串燒仲有小食，又系放題任食。我特別鍾意雞皮餃子同埋燒手羽先，雞皮餃子會爆汁出嚟，手羽先啲肉好嫩。另外一個推介系羊肉串，羊味超濃，仲飲免治雞肉，肉質好幼滑。焗蠔又繫有六種口味，唔爭氣嘅我佢哋，只系能夠試到冬陰公，芝士同埋蒜蓉。果然蒜蓉先至系經典，而且我自己仲聯想埋佢係本土限量口味，所以特別有親切感。
🍖最後要講埋佢一開頭上嘅海鮮湯，同埋最後嘅湯飯同湯烏冬，咁多樣嘢都超有海鮮味，相信佢用咗勁多材料去煲呢胡湯，同埋做埋湯底。
配合埋任飲嘅飲品，同我添加嘅啤酒，我諗食物質素方面，自助餐好得過佢嘅地方......其實冇乜！
張貼
