影片
更多
2025-03-28
959 瀏覽
今晚去了銅鑼灣一間人氣爆燈嘅主題Cafe，店內以月球燈及黑膠唱片作裝潢，打卡位好多，不過人氣太旺，其實想影靚相又不好意思打擾到旁邊客人，幾乎晚晚full所以記得要訂位。好多人都為了兩道菜而來，一是蟹粉，二是開心果！兩者都不要錯過啊！西班牙風乾火腿片30個月配季節蜜瓜 $138先來個前菜，密瓜甜到爆汁，火腿片鹹香帶油花，兩者夾埋一齊起，鹹度甜度超Match！法式芥末子蜜糖烤羊架 $328這道菜都幾有驚喜，4件羊架肥瘦勻稱，咬落肉質軟嫩，油脂幾香，羊羶味不重！重點係琥珀色芥末籽醬，微甜帶辛超提味，連平時怕食羊嘅朋友都大讚！生拆蟹粉拌北京拉麵 $298重頭戲主角！以中式雕花的茶碟盛載，賣相好靚又特別。金黃蟹粉瀑布式蓋過下面的麵條，店員仲會用香水樽噴上女兒紅以提升蟹肉香味及驅寒涼，好有儀式感。蟹膏香濃，鮮甜到不用點醋都好夠味！麵質就比較偏軟身，但跟蟹粉蟹膏同食好夾。開心果巴斯克芝士蛋糕 $78風乾橙皮插在綠色結實的芝士蛋糕上，賣相已經超級好看！開心果的味道好香濃，甜度拿捏啱啱好，蛋糕面頭仲有大量果碎，食完幸福感爆棚。桂花薑蜜牛奶咖啡 $68、海鹽焦糖芝士Latte $62前者咖啡奶味偏重，反而
好多人都為了兩道菜而來，一是蟹粉，二是開心果！兩者都不要錯過啊！
西班牙風乾火腿片30個月配季節蜜瓜 $138先來個前菜，密瓜甜到爆汁，火腿片鹹香帶油花，兩者夾埋一齊起，鹹度甜度超Match！
法式芥末子蜜糖烤羊架 $328這道菜都幾有驚喜，4件羊架肥瘦勻稱，咬落肉質軟嫩，油脂幾香，羊羶味不重！重點係琥珀色芥末籽醬，微甜帶辛超提味，連平時怕食羊嘅朋友都大讚！
生拆蟹粉拌北京拉麵 $298重頭戲主角！以中式雕花的茶碟盛載，賣相好靚又特別。金黃蟹粉瀑布式蓋過下面的麵條，店員仲會用香水樽噴上女兒紅以提升蟹肉香味及驅寒涼，好有儀式感。蟹膏香濃，鮮甜到不用點醋都好夠味！麵質就比較偏軟身，但跟蟹粉蟹膏同食好夾。
開心果巴斯克芝士蛋糕 $78風乾橙皮插在綠色結實的芝士蛋糕上，賣相已經超級好看！開心果的味道好香濃，甜度拿捏啱啱好，蛋糕面頭仲有大量果碎，食完幸福感爆棚。
桂花薑蜜牛奶咖啡 $68、海鹽焦糖芝士Latte $62前者咖啡奶味偏重，反而蓋過了桂花清香及薑蜜味道；後者紀絕是邪惡組合，焦糖香甜正好襯托出芝士奶蓋的濃郁。
張貼
