怡紅院火鍋料理

營業中

休息中

本來以為蘭桂坊就淨係得飲酒， 原來喺附近仲有一間咁靚嘅打邊爐專門店， 怡紅院。🙈🙈🙈 距離蘭桂坊行多三分鐘，有一間古色古香嘅客棧， 睇真啲原來係打邊爐嘅， 好彩有朋友介紹， 如果唔係真係會錯過呢間咁有特色嘅餐廳。聽日裝修好古色古美， 特別大多數都係木製建築， 而入面嘅餐牌， 專登分成唔同嘅類別， 係關於青樓點菜嘅類別😂😂另外， 餐廳仲有一本青樓秘笈， 入面嘅字眼， 幾有趣☺️大家如果黎到餐廳， 唔飲酒都要打開本 menu睇一睇。講番嘢食方面， 我叫咗雙拼湯底， 椰子雞鍋同埋花雕雞鍋。雖然係雙拼， 但係都係好足料， 椰子雞鍋都有原個椰青落左， 飲落真係好鮮甜🤤🤤 成程我都不斷喺度飲😍而花雕雞既雞肉係預先用花雕酒浸醃好， 雖然唔係煮咗好耐， 味道都好濃沃👍👍另外值得抵讚係呢度嘅牛肉， 我叫咗呢度嘅牛頸脊， 分量算係唔少， 而且好新鮮。 餐廳亦喺碟上面上講明碌嘅時間， 唔怕會太熟🙈總括嚟講， 呢度打卡真係唔錯，大家可以嚟試一試。