盈記四季養生麵館

營業中

休息中

今晚食藥膳養生湯米線，剛好門口落車，勁方便。舖內光猛整潔，入門口就有放口罩的紙袋，好貼心。做齊量體温，登記安心出行，就入坐。藥膳農場雞養生湯米線，湯面有啲雞油。但放了好多紅棗和杞子，所以湯底好甜好好飲，而且有濃郁藥材味道，感覺飲了好保身。雞是雞髀和雞亦位置，肉質好滑身。米線爽口，而且份量都多。藥膳農場醉雞養生湯米線，湯底較清，兩碗基本上睇是一樣的。但飲湯時，酒味好香濃，反而藥材味冇咁重。雞肉一樣咁滑身，有雞味。鮑魚汁炆花菇，花菇好厚肉，鮑汁的味道濃，花菇炆得入哂味，不錯。