影片
更多
2022-01-11
20 瀏覽
新年同朋友仔聚會，嚟到呢一間隱藏咗响西營盤嘅藍白歐式風格嘅小店，藍白門口位置有少少希臘風格，擺放左各種綠植同埋小道具，已經好適合影相打卡~重點係呢度嘅食物好有驚喜‼️真係好睇又好食😋每一款都用咗食用花做裝飾，擺盤十分之精緻～✨Starter✨帶子他他，墨魚汁脆片，熱情果香茅汁 $128墨魚汁脆片好香脆，配搭嘅帶子他他酸酸甜甜，係非常開胃嘅一道前菜。白酒忌廉煮智利藍青口$78配焗蒜蓉包$38青口嘅白酒忌廉醬汁味道濃郁，而且份量都唔少，醬汁仲可以留返嚟點蒜蓉包～好惹味！巴馬火腿（24個月）．水牛芝士．蜜瓜$118必點嘅菜式❤️火腿芝士同埋蜜瓜擺放成一個花環嘅形狀，加埋食用花同埋香草做裝飾，口感豐富而且賣相滿分💯✨Main✨蕃紅花鮮茄大蝦天使麵$268醬汁味道好特別又creamy，除咗蕃茄嘅味道之外，食落仲有少少似杏仁味嘅甜香，天使麵好掛汁，隻蝦仲要好大隻添啊，口感實淨新鮮～慢煮加拿大保濕豬鞍 • 燒意大利雜菜$298朱鞍肉質鮮嫩爽口彈牙，又唔會肥膩。配菜仲有秋葵、蘿蔔同埋其他雜菜。香煎野生鱈魚 •秋葵天婦羅，芒果莎莎醬$338外皮煎得好香脆，裏面魚肉鮮嫩，入口滑溜而且冇骨。以秋葵天婦羅做配菜都
重點係呢度嘅食物好有驚喜‼️真係好睇又好食😋每一款都用咗食用花做裝飾，擺盤十分之精緻～
✨Starter✨
帶子他他，墨魚汁脆片，熱情果香茅汁 $128
墨魚汁脆片好香脆，配搭嘅帶子他他酸酸甜甜，係非常開胃嘅一道前菜。
白酒忌廉煮智利藍青口$78配焗蒜蓉包$38
青口嘅白酒忌廉醬汁味道濃郁，而且份量都唔少，醬汁仲可以留返嚟點蒜蓉包～好惹味！
巴馬火腿（24個月）．水牛芝士．蜜瓜$118
必點嘅菜式❤️火腿芝士同埋蜜瓜擺放成一個花環嘅形狀，加埋食用花同埋香草做裝飾，口感豐富而且賣相滿分💯
✨Main✨
蕃紅花鮮茄大蝦天使麵$268
醬汁味道好特別又creamy，除咗蕃茄嘅味道之外，食落仲有少少似杏仁味嘅甜香，天使麵好掛汁，隻蝦仲要好大隻添啊，口感實淨新鮮～
慢煮加拿大保濕豬鞍 • 燒意大利雜菜$298
朱鞍肉質鮮嫩爽口彈牙，又唔會肥膩。配菜仲有秋葵、蘿蔔同埋其他雜菜。
香煎野生鱈魚 •秋葵天婦羅，芒果莎莎醬$338
外皮煎得好香脆，裏面魚肉鮮嫩，入口滑溜而且冇骨。以秋葵天婦羅做配菜都好有創意，芒果莎莎醬酸酸甜甜，都好好味😋
✨甜品✨（呢度嘅甜品每一款都好精緻好美味）🍮
法式焦糖燉蛋$68 （套餐優惠價＋$38）
燉蛋口感幼滑，面頭嘅焦糖又厚又脆。
法國朱古力布朗尼夏威夷果仁•榛子 •杏仁$68 （套餐優惠價＋$38）
質地比較結實，唔會過甜，朱古力味濃郁。
雜莓意大利奶凍$68
底層係香滑嘅奶凍，上面鋪上咗Oreo，面頭加上雜莓，酸酸甜甜好配合～
話梅檸檬梳打特飲 $58
口味酸甜清新，夠晒特別！
草莓蔓越莓梳打特飲$58
會飲到果肉，唔會有嗰啲好假嘅藥水味，口味清爽。
張貼
