Burgeroom (Fashion Walk)

營業中

休息中

其實薯條係可以反映一間漢堡包店，對自己店嘅食物要求高唔高，或者有冇水準。仲有，如果啲包好好食，但職員服務態度麻麻地，客人都唔會想再去食。因為個漢堡包未好食到飛天，咁你店舖俾客人嘅感覺及感受 (customer experience) 就好重要。呢度用APP落單，個人覺得佢哋個menu 設計有啲問題，叫杯咖啡又問加唔加糖、少糖、走糖、少冰、走冰，但如果揀咗齋啡，咁我仲洗唔洗揀走糖走冰？🤔漢堡包係即叫即整，但個人覺得佢哋衛生麻麻地，見到個廚房好似用個鼻聞啲食物，我冇影相所以冇證據。地方亦唔係十分乾淨，你會感覺到周圍係「痴立立」，希望佢哋有拖地及抹乾淨啲檯。叫咗薯條加芝士醬，薯條熱嘅，味道好一般而芝士亦冇乜香味。漢堡包嘅牛肉算okay，疊到好高比較難咬，及好容易會食到通地汁。呢個包加咗洋蔥及芝士，香口啲，味道okay。性價比唔高，咁嘅價錢可以喺第啲地方食到更好味嘅漢堡包。個職員服務態度唔好，比較惡咁問我想點，然後幫我揀 iced regular coffee 乜都冇，Americano 少糖少冰少奶，最後兩杯咖啡都沖得唔好飲。唔會建議去試，因為個包係好一般嘅。