Top Blade Steak Lab (新城市廣場一期) (已結業)

之前朋友喺呢間餐廳食過之後大推話好食，所以今次一於遠征沙田試吓佢啦，果然冇令我失望啊！嗰日星期日八點左右去到，門口仲有人等緊位，等左大概20分鐘有位，都算快。餐廳環境裝修得好時尚，座位好闊，坐得好舒服，不過因為假期實在太多人黎食啦，所以都幾嘈下㗎😂😂如果想同朋友靜靜地傾下計嘅，最好避開繁忙時間啦🤓黎到扒房，我就梗係點返個牛扒啦😋叫左五成熟，牛扒好juicy，不過咬落去都偏靭。叫咗杯earl grey，好香茶味，有個茶壺比你自己斟，可以同朋友share，好岩用黎解膩👍🏻朋友就叫咗個burger，裏面有牛肉，蕃茄，生菜同芝士，成個burger食落好juicy好fresh😋食扒最緊要配薯條😆呢間扒房最特別係佢哋嘅黑松露薯條係任食嘅😍！本身跟餐每人已經有一碟黑松露薯條，如果唔夠食，可以落單添加🤓原本諗住薯條任食味道會一般，點知薯條炸出嚟好脆好香黑松露味，令人忍唔住食完一碟又一碟😋！山長水遠走到嚟沙田一試呢間扒房，的確冇令我失望，下次有機會都會再嚟食！