六福菜館

營業中

休息中

六福係我去西貢食海鮮指定餐廳， 海鮮好食夠新鮮就唔使多講， 我最欣賞佢係其他小菜都係非常非常之有水準。 好食過好多酒店裏面嘅中菜館。最近每次去都一定要食呢個薑黃炒飯， 喺個menu裏面其實唔係好顯眼， 我之前都係叫一啲大路嘅炒飯， 例如海鮮炒飯又或者瑤柱蛋白炒飯之類。 但有一次就想試下特別啲嘅炒飯 就叫咗呢個薑黃炒飯。 點知非常之有意外驚喜。 個味道有啲似海南雞飯個雞油飯， 但係佢係炒出嚟所以外面非常乾身有鑊氣， 仲有薑嘅香味同埋雞油味。 我都係第一次食呢一種炒飯。 之後我食咗幾次都唔厭。非常值得推介。