劉興記生煎包專門店

營業中

休息中

今日同屋企人去荃灣街市買餸嘅時候就見到對面有間新開嘅生煎包，勁多人排隊，一定要試下。叫左佢哋嘅招牌生煎包，同埋排骨蔥油麵，生煎包皮薄多汁，至少有成兩匙羹嘅湯汁，加埋辣椒醬非常好食。蔥油麵一上枱就勁香，食落去調味啱啱好，睇落去好深色但係唔咸，食完個口都勁香蔥油味。本來想試埋豆沙鍋餅，但係佢哋嘅份量都唔細，唯有等下次先試。雖然舖頭細細，但係嘢食嘅種類都唔少，而且佢哋侍應做嘢好快手好有禮貌，所以都唔駛等好耐，食完先發現原來周潤發都嚟過。