Casa Lisboa Gastronomia Portuguesa

營業中

休息中

🇵🇹 今晚去咗試呢間葡萄牙菜餐廳，一入到去已經比佢嘅裝修同氣氛吸引住，環境舒服得嚟帶啲異國風情，好適合同朋友慢慢食傾偈。 ᑦ꒰ • ༝ • ྀྀི꒱ᐣ🥓 燒帶子煙肉配Murganheire氣酒檸檬忌廉汁 帶子煎得外脆內嫩，咬落去仲有汁爆出嚟，煙肉嘅鹹香同帶子鮮味好夾。個氣酒檸檬忌廉汁好特別，有淡淡酒香又帶檸檬清新，完全唔膩，擺盤精緻到唔捨得食！ 🍗 霹靂醬烤本地有機雞雞皮烤到脆卜卜，霹靂醬甜甜辣辣好開胃，雞肉嫩滑有雞味，仲有少少炭燒香氣，食落好過癮。 🦐 葡萄牙紅蝦配自家製青醬及蒜油飯紅蝦超大隻，蝦頭爆膏超鮮甜，青醬用新鮮香草打成，清新得嚟帶微酸，同蒜香十足嘅油飯一齊食簡直絕配。 🐦 香煎野鴿鵝肝配自家製黑莓醬野鴿肉嫩得嚟有咬口，鵝肝外脆內軟入口即溶，黑莓醬嘅酸甜完美中和鵝肝油膩感，高級餐廳水準！ ᑦ꒰ • ༝ • ྀྀི꒱ᐣ🌟 每道菜都做得精緻有心思，尤其係啲醬汁配搭好有驚喜，雖然價錢唔平但絕對值回票價。服務同環境都好好，適合慶祝特別日子。