影片
更多
2022-08-23
871 瀏覽
去親老蘭多數都係飲嘢，但今次就去食日本菜。餐廳位於樓上，環境開揚有格調，落地玻璃更令採光度十足，感覺寧靜舒適😌除可單點各款特式美食外，選擇困難症患者亦可點選套餐，另餐廳亦有不少cocktail/ mocktail供應，下次落老蘭又多一個選擇😌.💥FUMI Deluxe Tasting Menu（$1,180/ 位）.【先付】🇯🇵吞拿魚赤身配有機牛油果水菜沙律赤身油脂少且味鮮，食落結實有咬口，與牛油果及水菜同食，口感清爽而不膩😌【前菜】🇯🇵無花果浸汁、炙燒左口魚壽司、宮崎雞肉脆脆、松針黑豆蜜煮無花果天婦羅浸高湯後，油膩感不但減少，更多咗份清甜；左口魚壽司火炙後，油香四溢，入口即溶；宮崎雞肉肉質彈牙，配青瓜及蕃茄同食，口感清新爽脆；黑豆甜蜜軟綿，最啱留待最後先食😋【刺身】🇯🇵鮮吞拿魚腩、伊佐木、赤貝、北海道元貝吞拿魚腩油脂豐富，食後齒頰留香；伊佐木肉質通透，口感軟嫩鮮味；赤貝色澤亮麗，口感爽脆鮮甜；元貝肉厚有彈性，味道甘甜鮮味😋另隨碟伴有一串食用紫蘇花，將花冧與刺身同食，會多一份獨特香味😌【吸物】🇯🇵松葉蟹鉗豆腐清湯蟹鉗肉質結實，湯底清甜味鮮，味道唔會過濃，蓋過蟹肉味道😌【燒物】🇯🇵銀雪魚
除可單點各款特式美食外，選擇困難症患者亦可點選套餐，另餐廳亦有不少cocktail/ mocktail供應，下次落老蘭又多一個選擇😌
.
💥FUMI Deluxe Tasting Menu（$1,180/ 位）
.
【先付】
🇯🇵吞拿魚赤身配有機牛油果水菜沙律
赤身油脂少且味鮮，食落結實有咬口，與牛油果及水菜同食，口感清爽而不膩😌
【前菜】
🇯🇵無花果浸汁、炙燒左口魚壽司、宮崎雞肉脆脆、松針黑豆蜜煮
無花果天婦羅浸高湯後，油膩感不但減少，更多咗份清甜；左口魚壽司火炙後，油香四溢，入口即溶；宮崎雞肉肉質彈牙，配青瓜及蕃茄同食，口感清新爽脆；黑豆甜蜜軟綿，最啱留待最後先食😋
【刺身】
🇯🇵鮮吞拿魚腩、伊佐木、赤貝、北海道元貝
吞拿魚腩油脂豐富，食後齒頰留香；伊佐木肉質通透，口感軟嫩鮮味；赤貝色澤亮麗，口感爽脆鮮甜；元貝肉厚有彈性，味道甘甜鮮味😋另隨碟伴有一串食用紫蘇花，將花冧與刺身同食，會多一份獨特香味😌
【吸物】
🇯🇵松葉蟹鉗豆腐清湯
蟹鉗肉質結實，湯底清甜味鮮，味道唔會過濃，蓋過蟹肉味道😌
【燒物】
🇯🇵銀雪魚柚庵燒
本應係甘鯛，但因來貨質素不穏，故以銀雪魚代替。銀雪魚油脂多且啖啖肉，燒過後油香四溢，柚子則可中和油膩，好味😋
【炸物】
🇯🇵A4宮崎牛西冷吉列吐司
西冷肉味濃，油脂相對較少，外層脆漿薄身又酥脆，配埋好似餅乾咁脆嘅吐司，唔會覺得好膩之餘，仲脆上加脆😋另胡麻醬沙津則令整體感覺變得清新😌
【食事】
🇯🇵照燒宮崎雞腿肉配蘑菇釜飯
一揭開碗蓋即時香氣四溢，未食都知一定好食😍雞腿肉結實彈牙，蘑菇及飯均帶濃濃醬油香，味甜且入味，十分滿足😌
【果物】
🇯🇵當日時令水果有靜岡縣蜜瓜，士多啤梨及香印提子，賣相新鮮且甜度十足😋另蜜瓜伴隨一片檸檬，估唔到兩者味道都幾夾😮
🍹Summer Lover（$78）
呢杯係mocktail，以荔枝果蓉、橙汁及西瓜汁調製，味道清新解渴，好有夏天感覺😌
🍸Lychee Lover（$108）
圓形冰粒內有紫色食用花，顏色好夢幻😍將cocktail 倒入杯中，冰粒溶化後露出食用花，飲落更有濃郁荔枝香，的確幾特別😌
張貼
