鏞鏞．藝嚐館

營業中

休息中

前排晏晝成日突然落大雨走都走唔切，上次就入咗去K11 MUSEA避雨又咁啱見肚餓就一條友睇下有咩食，上到去見到裝修環境幾靚就入去試下啦，睇唔出原來係食中菜嘅。試咗個原隻鵝脾，$290蚊唔算平但上到嚟大大件咁其實好抵食，炭香味十足又多汁，完全唔會覺得滯，一個人食完依件脾之後都已經飽到7-8成，最後加咗件童年大白兔糖奶凍做甜品，白免糖味幾濃，係幾有細細個食嘅嗰隻味。一個人坐喺樓下睇住條街嘅行人同埋落下嘅維港真係幾舒服，咁啱食飽就停雨，真係啱啱好。