影片
更多
2024-09-06
85 瀏覽
兩個人去打邊爐，原來可以食得咁豐富。喺油麻地裕發廣場上面，有間全落地玻璃嘅火鍋私房菜。“唐坊火鍋私房菜”呢度視野開揚，枱同枱之間隔得好開，本身已經似係私房菜嘅格局。我哋叫到成枱都係嘢，有前菜有湯有肉有丸有鍋有埋嘢飲，豐富到不得了，最後仲送甜品 (今晚係椰子燉雪燕)。順返相嘅次序，原來我哋叫咗呢啲: 煲冬瓜瑤柱美腿鍋 $98手切頂級鮮牛(小) $248三寶丸 $92雲吞拼水餃 $72邪惡魚皮 $78冰鎮秋葵 $48娃娃菜 $38紙豆腐 $28椰子水 $15椰子燉雪燕 免費醬料 $15首先佢個湯係可以就咁飲，有非常濃嘅瑤柱同冬瓜味。牛肉嘅牛味好重，一擺落口就食得出。三寶丸明顯係手打處理，一啲粉感都感受唔到。雲吞拼水餃夠晒大粒，用料充足。邪惡魚皮份量好多，鹹蛋味十足。其他配料亦發揮正常，最特別嘅可能係”紙豆腐”，浸5秒就會變到充滿豆味嘅腐皮。可以睇得出，作為火鍋店，佢有盡力令到客人食得舒服，而且食物價錢合理，份量亦容易就。就算二人或一班人嚟都可以慢慢嘆。
喺油麻地裕發廣場上面，有間全落地玻璃嘅火鍋私房菜。
“唐坊火鍋私房菜”
呢度視野開揚，枱同枱之間隔得好開，本身已經似係私房菜嘅格局。我哋叫到成枱都係嘢，有前菜有湯有肉有丸有鍋有埋嘢飲，豐富到不得了，最後仲送甜品 (今晚係椰子燉雪燕)。順返相嘅次序，原來我哋叫咗呢啲:
煲冬瓜瑤柱美腿鍋 $98
手切頂級鮮牛(小) $248
三寶丸 $92
雲吞拼水餃 $72
邪惡魚皮 $78
冰鎮秋葵 $48
娃娃菜 $38
紙豆腐 $28
椰子水 $15
椰子燉雪燕 免費
醬料 $15
首先佢個湯係可以就咁飲，有非常濃嘅瑤柱同冬瓜味。牛肉嘅牛味好重，一擺落口就食得出。三寶丸明顯係手打處理，一啲粉感都感受唔到。雲吞拼水餃夠晒大粒，用料充足。邪惡魚皮份量好多，鹹蛋味十足。其他配料亦發揮正常，最特別嘅可能係”紙豆腐”，浸5秒就會變到充滿豆味嘅腐皮。
可以睇得出，作為火鍋店，佢有盡力令到客人食得舒服，而且食物價錢合理，份量亦容易就。就算二人或一班人嚟都可以慢慢嘆。
張貼
