影片
更多
2025-03-30
73 瀏覽
西九六樓個美食廣場大裝修，而家曠大左好多，是晚去試左一間專食肉餅嘅攤位，店名叫煙燻肉餅料理。大概七點半來到，全部餐都賣曬啦，得返J餐同M餐，咁就同朋友一人試一樣啦。全部食物即叫即整，睇住店家預備肉餅，蒸肉餅，再淥菜，仲煲返熱份例湯，係滿滿嘅誠意，即叫即整梗係好食好多啦😋⭐煙燻鮮蝦馬蹄蒸肉餅一份入面有好多隻蝦㗎，鮮味爽口，正喎。⭐煙燻溏心鮑魚髮菜蒸肉餅個肉餅同樣係馬蹄口味的，上面放了鮑魚同髮菜，滿滿的高級感。肉餅調味剛好，唔需要落豉油就已經好正，一大碗肉好有飽足感呀🤤個餐包埋白飯、油菜同足料老火湯，珍珠米軟綿有飯香，老火湯熱辣辣真係好好飲，是晚係紅蘿蔔豬骨湯，湯頭鮮甜濃鬱，仲係無味精㗎。肉餅蒸熟後會進行煙燻，視覺效果一流😎拍返條短片打下卡先。六十幾蚊有肉有菜有飯有湯真係超抵食，味道仲好正添，一睇師傅手勢就知有料到，大推❤️
大概七點半來到，全部餐都賣曬啦，得返J餐同M餐，咁就同朋友一人試一樣啦。
全部食物即叫即整，睇住店家預備肉餅，蒸肉餅，再淥菜，仲煲返熱份例湯，係滿滿嘅誠意，即叫即整梗係好食好多啦😋
⭐煙燻鮮蝦馬蹄蒸肉餅
一份入面有好多隻蝦㗎，鮮味爽口，正喎。
⭐煙燻溏心鮑魚髮菜蒸肉餅
個肉餅同樣係馬蹄口味的，上面放了鮑魚同髮菜，滿滿的高級感。肉餅調味剛好，唔需要落豉油就已經好正，一大碗肉好有飽足感呀🤤
個餐包埋白飯、油菜同足料老火湯，珍珠米軟綿有飯香，老火湯熱辣辣真係好好飲，是晚係紅蘿蔔豬骨湯，湯頭鮮甜濃鬱，仲係無味精㗎。
肉餅蒸熟後會進行煙燻，視覺效果一流😎拍返條短片打下卡先。
六十幾蚊有肉有菜有飯有湯真係超抵食，味道仲好正添，一睇師傅手勢就知有料到，大推❤️
張貼
