華記潮州滷水車仔麵

營業中

休息中

華記開到黎過海，今晚特登朝聖下。特別試下個重口味推薦湯底（就係混合曬滷水汁，咖喱汁，腩汁) 加小辣，味道濃郁又唔會過鹹。配料方面叫咗：🔸春卷：夠脆身，足料🔸豬大腸：有得揀肥瘦，我揀咗瘦，肥膏係少啲同埋都幾入味🔸蘿白：份量好大舊，夠清甜🔸牛筋：好淋同入味朋友健康啲就叫咗個菜底，牛肉餅、牛脷？豬橫脷加滷豆腐，滷豆腐好扎實入味，其次朋友大讚個牛脷軟焾出色！牛肉餅我偷食咗啖，好香牛味！本人鐘意食芫茜，所以專登叫咗多芫茜，果然真係俾好多，份量十足同埋係好新鮮嘅！其次仲有個牛三寶，牛腩、牛筯同牛肚，超大碟，可以一次過試晒，個汁幾出色！環境好寬敞，有卡位，台同台中間有足夠活動空間。大家唔會坐得好逼。