金酒屋

營業中

休息中

九龍區嚟講，除咗油尖旺區之外，我覺得荔枝角同長沙灣其實同樣不乏美食，客流主要吸引附近打工仔同埋街坊光顧。今日終於同朋友嚟咗金酒屋，係一間近年好人氣嘅居酒屋，日本菜相信冇人會抗拒，八點幾嚟到就有位。✿ 金糖盒。海膽三文魚籽日式豆腐 金糖盒想必系呢度人氣菜式，底部有棉花糖，上面有個餅亁盒，盛載魚子醬 海膽 海膽豆腐 三文魚籽，魚子醬食材高級，海膽新鮮🧡海膽豆腐滲出淡淡海膽味道，好軟稔易入口。✿ 金龍珠海膽吞拿魚蓉卷 近年好多日本餐廳有呢道菜式，金龍珠即蛋黃，有入口即溶感覺！連同新鮮海膽同埋吞拿魚蓉口感非常豐富😋係多重享受。✿ 串燒4款🦐 自家製雞皮蝦 🐮 厚燒牛舌心 🐷 西班牙豬肋條 🐷 黑䐁五花腩 雞皮蝦蝦肉爽口彈牙，牛舌心充滿嚼勁，豬肋條同五花腩肉質結實鎖住肉汁。✿ 戀丼。月見特厚燒牛舌三文魚籽 同樣系人氣菜式之一，除咗賣相滿分，味道同樣不俗。厚燒牛舌充滿嚼勁，大家都愛😊連同生蛋黃同三文魚籽撈飯一齊食，每一口亦食到滿滿醬汁，同時帶鹹香味道。✿ 壽喜燒和牛鍋（鹿兒島A4和牛使用）鹿兒島A4和牛果然高質🐮油香非常豐富，有入口即溶感🤩擺落sukiyaki湯底味道帶清甜，令味道更昇華。