友拉麵

營業中

休息中

當而家啲大商場9點就關晒門，荃灣站到大窩口中間一串民生小商場都仲好旺！🤣入面嘅小店價錢平又有特色，可謂糧尾恩物。放工就去咗呢間裝修得幾有心思嘅日式拉麵店快食一餐！⛩️拉麵店細細哋，有bar枱同方枱， 隔住玻璃可以望到廚房煮面，🥢好有日式屋台feel，另一邊牆上掛滿貓咪插畫，添加點點溫馨感覺！🍜魚介拉麵 $78拉麵上面滿滿魚介粉，撈入湯底變得濃不腻，配埋彈牙嘅曲麵有少少掛湯，上面嘅3塊火炙豚肉有少少燶邊，肥瘦啱好！🌶️辛肉碎拉麵 $86辛肉碎後勁好利害，入口唔係好辣，但會食到出晒汗，配埋直麵愈食愈惹味！🍗蜜糖芝麻雞翼 $36雞翼好香脆，上面有芝麻同蜜糖，非常香口！