友拉麵

係商場入面既拉麵店，湯底跟麵既種類都可以自己選，麵既軟硬也可以，岩哂鐘意唔同口感的。😁我地兩個一人叫左一碗拉麵跟小食。辛肉碎拉麵湯底既辣度岩岩好，唔會話過於辛辣，當中既配料正常，都不錯，火炙豚肉比普通的更香，糖心蛋流心好味。👍👍櫻花蝦拉麵櫻花蝦給得挺多，拌和埋拉麵既湯底一齊食，味道不錯，慢煮叉燒正常。蜜糖芝麻雞翼香口炸雞翼，食落滿滿蜜糖香味。北海道牛肉薯餅剛炸好既薯餅無得輸，沾埋個沙律醬更加好味。😋…查看更多

🍜 荃灣拉麵控必收！「友拉麵」猫系日式小店📍荃灣昌寧大廈・貓奴打卡牆+暖黃燈光，係要行過好多個商場先到，但絕對值得！佢有得揀麵嘅普通硬度，同埋麵嘅直或者曲～肉類又可以揀要慢煮叉燒定係火灸豚肉，都幾多選擇～我地2碗都叫左慢煮叉燒，岩曬唔鐘意食肥肉嘅我～* 🍜 辛肉碎拉麵：湯底辣度適中，肉碎增添了豐富的口感和肉香。搭配的慢煮叉燒、溏心蛋、葱、竹筍和海苔等配料，讓整碗麵的風味和層次都頗為到位。* 🦐 櫻花蝦拉麵：櫻花蝦份量係勁多！呢款的湯底能嘗到櫻花蝦的獨特香氣。配料同樣有慢煮叉燒、味玉、葱、竹筍和海苔，櫻花蝦的鮮味與豚骨湯底融合，喜歡海鮮風味的話可以一試。* 🥟 日式餃子：餃子外皮煎得香脆，內餡飽滿多汁，作為經典的日式小食，水準不錯。* 🍗 日式炸雞塊：即叫即炸，上桌時熱辣香口。外皮酥脆，內裡的雞肉仍能保持嫩滑多汁，值得一試。…查看更多

🍜【荃灣貓貓拉麵推介｜友拉麵】係荃灣搵食，發現滿滿貓貓佈置而拉麵又好食嘅小店——友拉麵😽。 今次餐單：黑蒜油拉麵（曲麵／硬麵）：湯底香，黑蒜味惹味突出。拉麵爽口有咬感，火焰叉燒大大塊，有大塊味付，一條粟米芯，溏心蛋同木耳，多餸得嚟份量足😆。櫻花蝦拉麵（直麵／普通硬度）：滿滿櫻花蝦，配搭入口軟綿綿嘅慢煮叉燒同每啖都鮮味十足嘅湯底。同黑蒜油拉麵一樣都有一隻溏心蛋同爽脆木耳絲。炸棒棒餃子：個人鍾意皮薄，所以呢碟餃子符合口味。雖然比較少食炸嘢，但希望今次啲餃子可以再炸得脆口啲，就會更加好食。餃子餡味道大致同出面其他餃子差唔多。希望會加埋軟骨落去就就更加完美。（不過咁樣就變咗炸棒棒軟骨餃子啦😂）友拉麵食物嘅份量非常慷慨，係正常size嘅 1.5倍。兩個女仔食到好滿足，價錢唔貴，好抵食。如果食得唔多嘅話食到七成先至再決定嗌唔嗌小食就唔會浪費啦。拉麵店喺細商場入面，由荃灣天橋要經過一連串商場同食肆，記得保持定力去到拉麵店😉。個人最鍾意店舖有好多可愛貓貓裝飾😽，不防影相。其中有啲相係店主嘅貓貓添😻當日晚上全餐廳滿座，好彩唔會趕客限時。不過放心，又唔會等好耐。…查看更多

朋友介紹既隱世拉麵店，出左地鐵站行幾分鐘就到，都幾方便。入到去人唔多，好有日本小店既感覺。我地一人叫左一碗拉面再加個小食，$200都唔洗，都幾抵。🍜醬油慢煮叉燒拉麵見到「期間限定」呢四個字就覺得一定要叫😂一上枱醬油味好香；慢煮叉燒一啲肥膏都無，感覺好健康，但係一啲都唔會鞋唔會實；大葱木耳份量十足，性價比高。🍜葱山拉面純粹想睇下究竟有幾多葱所以先叫😂結果都真係好多，真係有成座山咁多。呢碗我地揀左火炙豚肉。相比起慢煮叉燒，佢就肥美啲，而且燒得好香。🍢免治雞肉棒入邊有少少軟骨，好有咬口，係我每次去日本餐廳見到都必點既item。…查看更多

食完餃子就嚟到附近呢間日式拉麵店食碗拉麵，店舖細細，座位不多，午餐時段得幾個人，我就好容易咁搵張二人枱坐下睇下餐牌有咩啱食。我對辣既拉麵頗有興趣，咁我就點咗佢地唯一辣味既辛肉碎拉麵。不一會就上餐，都幾大碗下，肉碎少辣，最鐘意佢地個麵條，軟硬適中，口感豐富，仲有嗰兩大片火炙豚肉，一入口d油脂即溶係口中，和豚肉一起咀嚼起來，十分之美味。[米饭]口味：🥚🥚🥚[薄荷]环境：🥚🥚🥚[服务铃]服务：🥚🥚🥚🥚[糖果]性价比：🥚🥚…查看更多