4口 (裝修中)

[ 4口 ]之前係 中環ifc 食過呢間新派特色福建菜餐廳，原來荃灣都開咗分店，裝潢以淺木色為主調，有吧枱席前座位似日式餐廳咁舒適👍。晚市套餐✿ 福建金湯佛跳牆 配 薑油拌麵 $268套餐包括小菜、燉湯或飲品。主食係經典福建名菜 金湯佛跳牆，金湯雞湯燉煮得清澈鮮甜，有膠質而不膩👍。食材有鮑魚、海參、魚肚、瑤柱、雞肉等，非常講究。小菜選擇咗冷盤 白切羊肉，有羊味但唔羶，口感似食緊燻蹄。燉湯係 姬松茸竹笙排骨湯 (單點$48)🥣，湯頭清澈，熱辣辣火喉十足，姬松茸味濃厚😋。主食✿ 廈門沙茶麵 $78 🍜福建傳統湯麵，將微辣沙茶醬煮成湯底，麵條好掛湯。有紅燒豬腩肉、蝦肉、蜆肉、魚片等，配料充足。✿ 黑蒜香煎帶子 $138黑蒜味道辛辣有香氣，鮮甜帶子煎得嫩滑多汁。飲品🍹✿ 凍桂圓檸檬烏龍茶 $38/杯養生茶飲，烏龍茶茶底濃郁，桂圓清甜加埋檸檬夠清新。✿ 珍珠椰汁冰 $38/杯甜品🍧✿ 白茶流心丸(3粒) $28酥脆白茶外皮加上軟糯香芋球，仲有餡料流沙咸蛋黃。✿ 椰奶銀耳燉桃膠 $48凍食中式糖水，滋潤養生仲好飽肚👍。總結🫦 平時食中菜都係粵菜為主，福建菜都幾啱口味👍。荃灣店裝潢以淺木色為主調，除