友拉麵

營業中

休息中

黎到荃灣搵野食，見openrice寫有間拉麵評價幾好，所以去睇下，舖頭唔大 ，比我想像中更多人，去到嘅時候啲人已經排緊隊。今次叫咗一個蔥山拉麵同一個黑蒜油札幌味噌拉麵（期間限定）。麵可以揀硬度同麵（曲麵或者直麵），兩碗都揀咗曲麵同正常硬度。蔥山拉麵加木耳絲$86+$10真係蔥山😂蔥份量好多，其他配料唔算少，而且味道都唔錯，尤其係個溏心蛋，真係好好食😂湯底口感有少少薄，但味道係濃，唔知係唔係唔想搶走蔥嘅地位，所以湯底專登整到無禁厚身🤔不過都好，食完無咩罪惡感黑蒜油札幌味噌拉麵加竹筍$88+$10黑蒜油味道好出，依個湯底口感比蔥山拉麵厚，而且味道都更濃，配料同蔥山拉麵都差唔多。以份量黎講價錢都算平，味道都唔差，而且都近地鐵站，過去其實都方便。