Ann Mamma Thai kitchen by 張秀玲

營業中

休息中

荃灣實在好多好野食，lunch time行經香車街街市附近見到呢間門口未到12點未開門已經有人排緊隊，見門面幾靚，價錢又ok，我又試下，到十二點正式開門，店內感覺幾乾淨，裝修好似cafe咁，lunch價錢嘆埋cafe環境，唔錯。燒豬頸肉飯豬頸肉賣相好靚，豬肉不會有粉紅色，感覺幾新鮮，另外調味幾好不會太甜，最怕吃到烤豬頸肉太甜，似叉燒多過燒豬頸肉，有少少焦香又不會硬身，米飯質素也高，豬頸肉醬汁都幾辣，如果怕辣不要點太多。泰式奶茶奶味濃，夠甜，很有泰式奶茶風味。海南雞油飯海南雞色水亦係好靚，雞皮乾淨，不會太肥，雞肉雪白，夠入味，去骨，啖啖肉，不鞋口，跟兩種醬料，豉油膏甜甜地，海南雞醬都幾辣，辣到心口熱熱地，怕辣要點少啲。玫瑰普洱茶玫瑰味幾重，吃完濃味泰菜清一清口氣，是不錯選擇。