更多
2021-04-13
26 瀏覽
我最鍾意貓。呢度有好多貓嘅畫,好靚~🥰播住日文歌,好似去左日本咁。有吧台亦有普通枱櫈。有透明玻璃,可以睇到師博成個烹調過程。見餐牌有「期間限定拉麵」,好好奇係咩黎。店員話係「完熟蕃茄大盛」。就一於試試佢!麵有得揀直麵或曲麵。直麵係白色,曲麵係黃色。期間限定拉麵係用直麵做麵底,冇得揀麵底。另加海苔($5)。海苔共有4片,入口好香。期間限定拉麵($93)有好多蔥。麵嘅份量好多,起碼有兩個人嘅份量!一個人食好飽。麵質較腍身。湯底夠熱,過左好耐重冒煙。湯底由新鮮蕃茄製成,重有幾塊新鮮蕃茄,加上少許微辣,可以刺激食慾。👍🏻湯夠濃,產生掛麵效果~😍叉燒有兩大塊,塊塊勁大塊!😱燒過嘅叉燒入口有焦香味,肥瘦適中。重有原隻溏心蛋。一咬開,只見蛋黃呈半熟狀,半凝固的蛋汁緩緩流出~睇落好治癒~🥰食落蛋好滑。食飽飽可以自行斟枱上嘅檸檬水消化下。枱上有筷子筒,原來以為係木筷子,點知拆開有驚喜,係有花紋嘅木筷子🥢!花紋充滿日本風。估唔到咁靚,忍唔住影底佢!成間餐廳不論牆、枱或櫈都係用木造,充滿日系簡樸風。總括來說,呢間餐廳坐得舒適,拉麵質素高,值得一試!
播住日文歌,好似去左日本咁。
有吧台亦有普通枱櫈。
有透明玻璃,可以睇到師博成個烹調過程。
見餐牌有「期間限定拉麵」,好好奇係咩黎。店員話係「完熟蕃茄大盛」。就一於試試佢!
麵有得揀直麵或曲麵。直麵係白色,曲麵係黃色。期間限定拉麵係用直麵做麵底,冇得揀麵底。
另加海苔($5)。海苔共有4片,入口好香。
期間限定拉麵($93)有好多蔥。麵嘅份量好多,起碼有兩個人嘅份量!一個人食好飽。麵質較腍身。
湯底夠熱,過左好耐重冒煙。湯底由新鮮蕃茄製成,重有幾塊新鮮蕃茄,加上少許微辣,可以刺激食慾。👍🏻湯夠濃,產生掛麵效果~😍
叉燒有兩大塊,塊塊勁大塊!😱
燒過嘅叉燒入口有焦香味,肥瘦適中。
食飽飽可以自行斟枱上嘅檸檬水消化下。
枱上有筷子筒,原來以為係木筷子,點知拆開有驚喜,係有花紋嘅木筷子🥢!花紋充滿日本風。估唔到咁靚,忍唔住影底佢!
成間餐廳不論牆、枱或櫈都係用木造,充滿日系簡樸風。
總括來說,呢間餐廳坐得舒適,拉麵質素高,值得一試!
張貼