影片
更多
2022-07-17
296 瀏覽
餐廳：1908bc British Chinese (上環)地址：上環文咸東街22-26號柏廷坊5樓1908年，英國有第一間嘅中菜外賣店，而1908bc British Chinese @1908bc_hongkong 就以此為記念，喺上環柏廷坊開咗呢間啱啱有一年時間嘅英式中菜餐廳🇬🇧🇨🇳，聽講仲喺全香港第一間由英國回流嘅香港人開嘅英式中菜餐廳⭐️其實傳統嘅英式中菜都喺嚟自於廣東菜，以廣東菜式帶到英國，再慢慢調教去迎合英國人嘅口味，一般以香脆可口嘅油炸食物為特色🔥，而將印度同中式香料混合而成嘅咖喱醬更加喺英國人必食嘅醬料之一🍛餐廳嘅食物屬於中價位，以上環嚟計算喺中規中矩，豪邁高尚嘅裝修成為餐廳一大賣點，夜晚坐出露天茶座更加喺另一種享受😎，仲有駐場嘅bartender炮製各款Cocktail、Mocktail同咖啡🍸，同愛人好友食完飯轉場坐喺出面飲返杯嘢傾吓偈都幾寫意🥰✝️香酥鴨跟薄餅 Crispy Aromatic Shredded Duck $200將本地米鴨用香料同滷水醃煮3個鐘，客人落單之後拎去高溫炸再手絲拆肉，其實食法有啲似我哋平時中式嘅片皮鴨🦆，不過油炸完之後反而鴨嘅油羶味同脂肪
地址：上環文咸東街22-26號柏廷坊5樓
1908年，英國有第一間嘅中菜外賣店，而1908bc British Chinese @1908bc_hongkong 就以此為記念，喺上環柏廷坊開咗呢間啱啱有一年時間嘅英式中菜餐廳🇬🇧🇨🇳，聽講仲喺全香港第一間由英國回流嘅香港人開嘅英式中菜餐廳⭐️
其實傳統嘅英式中菜都喺嚟自於廣東菜，以廣東菜式帶到英國，再慢慢調教去迎合英國人嘅口味，一般以香脆可口嘅油炸食物為特色🔥，而將印度同中式香料混合而成嘅咖喱醬更加喺英國人必食嘅醬料之一🍛
餐廳嘅食物屬於中價位，以上環嚟計算喺中規中矩，豪邁高尚嘅裝修成為餐廳一大賣點，夜晚坐出露天茶座更加喺另一種享受😎，仲有駐場嘅bartender炮製各款Cocktail、Mocktail同咖啡🍸，同愛人好友食完飯轉場坐喺出面飲返杯嘢傾吓偈都幾寫意🥰
✝️香酥鴨跟薄餅 Crispy Aromatic Shredded Duck $200
將本地米鴨用香料同滷水醃煮3個鐘，客人落單之後拎去高溫炸再手絲拆肉，其實食法有啲似我哋平時中式嘅片皮鴨🦆，不過油炸完之後反而鴨嘅油羶味同脂肪嘅油膩感就大大辟走咗。
一絲絲嘅米鴨肉食落酥脆入味，有輕輕滷水香同花椒八角嘅滋味，連埋青瓜🥒、大蔥同海鮮醬放喺煙韌透薄嘅餅皮上面包住一齊食，完全無得抗拒🤤，啲鴨肉份量仲多到包唔晒，額外散叫多份餅皮或者就咁食亦都得
✝️蝦多士配甜辣醬 Butterfly Prawn Toast $100
除咗叫完整一份四件之外，亦有得散叫半份(兩件)，佢哋嘅蝦多士Size比較大件，接近半隻手掌大小✋，香脆嘅多士放上一層彈牙蝦膠，中間放咗隻大蝦🍤，再灑滿黑白芝麻，香脆口感簡直二次提昇😍，蝦味鮮香，蘸埋甜辣醬就無咁dry同更惹味
✝️宮保蝦球 Kung SUPER-POW Prawns $280
超級大隻嘅蝦蝦沾咗一層薄粉之後拎去炸，放入口先食到一層Airy嘅脆皮，
再食到爽口彈牙又多汁嘅大蝦肉🦐，配上甜酸醬，連埋三色椒同炸米粉一齊食，傳統得嚟又幾有驚喜🎉，唯一嘅喺大蝦得5-6舊，價錢感覺有少少進取🤏
✝️炒雜碎 Chop Suey $120
英國人好鍾意食嘅炒雜菜🥬，白菜仔、娃娃菜、杏鮑菇、紅蘿蔔片🥕、芽菜、粟米芯，加上芡汁炒香，簡單得嚟充滿中式風味😜
✝️炸薯條配咖喱汁 Chips and Curry $90
餐廳嘅招牌咖哩汁專登調教至英國傳統口味，當中加咗黑椒同生果去煮，有香濃黑椒香同甜甜哋嘅果香，炸薯條嘅火候控制非常好🍟，香口而無油膉味，就算用手拎都唔會食到成手油，睇得出大廚嘅功架確實十足👨🏻🍳
飲品叫咗杯Cocktail——Espresso Martini($95)同Mocktail——Fruit Punch($65)🍹，
行過去吧枱前面同bartender一邊吹水🗣，一邊欣賞佢整嘢飲嘅過程，唔知呢個係咪都喺你想要嘅餐飲體驗呢😙？
最後叫咗兩款蛋糕🍰：Chocolate opera($70)同Lemon Meringue($70)，前者嘅朱古力味都幾Rich，甜而不溜；後者有酸酸甜甜嘅檸檬香🍋，加上帶有泡沫質感嘅蛋白糖霜，兩者配合起嚟又幾match🤪
張貼
