1908bc British Chinese

營業中

休息中

最近心癢癢，好想搵一些有特色的fusion菜食，朋友同我講有間英倫風嘅中菜，聽落幾有趣，今晚終於有時間去試啦！一開電梯，搶眼嘅招牌，仲有一幅好大嘅孔雀畫，已經感受到英倫色調。餐廳入面寬敞舒適，仲有 outdoor位置。 第一道菜當然選擇餐廳推介嘅香酥鴨跟薄餅。 好特別，用咗片皮鴨嘅concept做呢道菜，鴨皮好脆口，鴨肉鮮嫩，加埋薄餅，京醬，青瓜等包住一齊食，口感一流。 之後就到甜酸咕嚕肉。甜酸度剛剛好，咕嚕肉好脆口，亦唔會好似外面咁好厚粉，而且每一舊都係圓碌碌好均勻，配合不同生果，惹味開胃。豆腐什菜煲蔬菜新鮮，豆腐吸收晒醬汁特別濃郁，好味。集會脆麵又一必食推介！麵煎得好脆身但完全冇油膩感，而且配料豐富，就算配料上有芡汁都不損麵嘅口感，脆卜卜好好食。最後同朋友邊食邊飲cocktail， 我杯lemongrass mojito 好清新，味道都好好，大滿足嘅一餐。