The Wall Street Bar & Lounge

營業中

休息中

今日同朋友係尖沙咀睇拎貨，之後經過呢間有嚟飲過野嘅酒吧，上去飲返杯坐一坐，見佢有午餐就順便食埋，我地2個都好漢堡，就決定試試。點咗兩個漢堡包餐，配有餐湯同飲品,揀左個龍蝦湯同番茄湯。龍蝦湯好飲，口味獨特。漢堡轉頭就送上，我同朋友嘅漢堡分別就係佢就配搭多個鵝肝作餡料。漢堡包食落去鬆軟，patty多肉汁，而且肉味濃郁，仲有其他新鮮番茄同生菜以及芝士，食落多種口感同味道，非常滋味。朋友個款有鵝肝，香氣十足，入口即溶，更加滋味。另外佢嘅薯條亦都好食，熱辣辣炸起，外脆內面滿滿薯仔，邪惡好味道。餐廳環境舒服，樓底高，英倫裝修有氣氛，坐落好輕鬆，朋友點左杯啤酒，慢慢傾計放鬆下，夠晒寫意！另外佢呢到仲有間房仔，岩晒成班朋友聚下，有個私人空間。