影片
更多
2024-05-15
54 瀏覽
見到呢間舖個名咁過癮，再望望招牌係食花膠雞湯米線，作為需要補充骨膠原嘅女士，見到花膠雙眼自然發光，決定入去試一試叫咗個花膠雞米線同一個炸豆腐。花膠雞米線湯底可以揀蕃茄湯或者雞湯，仲可以揀用爐上，keep住一路熱住食。由於地方淺窄關係，都係揀用碗上唔好咁掗拃！而雞係可以加$10轉雞髀，咁我就搏一搏無加錢轉啦。一碗雞湯米熱辣辣咁送上，聞落淡淡雞汁香，第一啖試一試個湯底，唔係非常濃郁，但係幾鮮甜，唔似飲到口渴嘅味精湯。花膠有2舊，係爽口而唔係黏口個種，唔腥不過不失，反而雞件係幾出色，咬落係有好濃嘅雞味，就算唔係雞髀位置都唔係好鞋，整體感覺良好。炸豆腐係值得推薦嘅小食，外層皮脆卜卜，內層豆腐十分嫩滑，口感上大滿足，有酒樓/大排檔嘅風味，調味恰到好處，忍唔住口一粒接一粒咁食！
花膠雞米線湯底可以揀蕃茄湯或者雞湯，仲可以揀用爐上，keep住一路熱住食。由於地方淺窄關係，都係揀用碗上唔好咁掗拃！而雞係可以加$10轉雞髀，咁我就搏一搏無加錢轉啦。
花膠雞湯米線
11 瀏覽
0 讚好
0 留言
一碗雞湯米熱辣辣咁送上，聞落淡淡雞汁香，第一啖試一試個湯底，唔係非常濃郁，但係幾鮮甜，唔似飲到口渴嘅味精湯。花膠有2舊，係爽口而唔係黏口個種，唔腥不過不失，反而雞件係幾出色，咬落係有好濃嘅雞味，就算唔係雞髀位置都唔係好鞋，整體感覺良好。
炸豆腐係值得推薦嘅小食，外層皮脆卜卜，內層豆腐十分嫩滑，口感上大滿足，有酒樓/大排檔嘅風味，調味恰到好處，忍唔住口一粒接一粒咁食！
張貼
