牛舞日本燒肉‧涮涮鍋放題 (利舞臺廣場)

營業中

休息中

為咗可以同friend子一邊燒肉一邊打邊爐👭🏻今日試咗銅鑼灣牛舞日本燒肉‧涮涮鍋放題！我地咁啱無人唔食芫茜，咁好機會，梗係叫芫茜豚骨湯底啦😍湯底好多芫茜好香，加上豚骨湯底好濃豬骨香，所有新鮮食材就咁淥落去已經好惹味👍🏻除咗邊爐，最正就係可以任食薩摩和牛🥩呢個牛舞拼盤有哂唔同高級牛嘅部位，每個部位口感同味道都唔一樣，有牛赤肉、牛助條、和牛粒，唔洗好似一般燒肉店咁淨叫一兩種咁單調👏🏻其他熟食都好多選擇！我地試咗骨附腸仔、蟹肉忌廉餅同芝麻雞翼，上菜時都係熱辣辣，好惹味！日本🇯🇵嘢之外，韓式🇰🇷泡菜豚肉炒年糕都好出色，一行人最後食到超飽超滿足！