星林居酸辣米線餐廳

營業中

休息中

#搞串個pantry米線🍜，我哋都試過唔同嘅#米線 店，各有特色。今次亦去咗試一間位於#尖沙咀 嘅米線店😜，呢間餐廳以喺韓國🇰🇷遊客之間廣為人知而作為特色。就等我哋去試吓究竟有咩咁特別啦💕！今次就嗌咗一碗配好曬配料嘅雲南過橋米線($65)，同埋另一碗自選米線🍜，就揀咗豬腸🐷、豬肚、牛筋丸，三款餸就$67。嚟到嘅時候，真係嚇親😱，因為好大碗，好多料。而雲南過橋米線啲料多到要分開上😎。呢間米線店有得揀辣度🌶️同埋酸度，一定要嗌辣，因為辣先會有肉碎🍖，另外酸度推薦嗌「非常酸」🍋，出到嚟嘅酸度剛剛好，非常惹味！！米線食落口好滑🤩，同時都好掛湯。湯底方面，辣度可以按自己喜好選擇🥰，而酸同辣配合得好好。餸方面，雲南過橋米線有八樣餸，每樣餸只有一嚿，而且有啲餸都唔係咁想食😙。當中肉醬、冬菇就比較深刻，兩樣餸嘅味道都好特別，好好味🤤。肉醬嘅味道淡淡地，感覺健康。而另一碗就推薦豬腸，切得好大嚿，食落口唔會有好濃烈嘅豬內臟味道，同時又覺得好「嗱渣」🥳！！如果大家行過尖沙咀鬧區🔊，不妨嚟到呢間樓上嘅米線店。同時建議大家下次嚟到可以嗌自選米線💕💕！