影片
更多
2024-12-28
616 瀏覽
《Butlery - 沙田》大埔出沙田真係好近，所以我成日都會出番去沙田搵食同行街，淨係喺沙田新城市廣場果邊連住幾個商場行都夠玩成日啦😌今次陪朋友買住聖誕禮物之後，我地就去左我地成日聚會既西餐廳食晚餐同埋我地心心念念左好耐既梳乎厘pancake🤓溫馨提示一下，呢度成日都好full的，記住要提出book 位呀，我之前試過拎飛等左45分鐘先入到座🤷🏻♀️當日我地兩個人，叫左兩個前菜小食、一個主食、兩份milkshakes 同埋一份pancake 兩份share，又係抱住個肚行出餐廳的一晚💁🏻♀️藍青口白酒蒜蓉小茴香忌廉多士 $79基本上每次都會叫既菜式之一，呢度既忌廉汁係煮得好濃稠，有陣陣既蒜蓉香，啲汁掛曬喺青口上面，食落海水味都重，啖啖都食到濃郁既香草忌廉汁，仲可以用蒜蓉包點個汁添，同樣好食💁🏻♀️三重芝士醬薯條 $52邪惡既小食，我個frd好鍾意佢個芝士醬夠濃稠，同樣係十分掛汁的，薯條炸得好脆，就算放左一陣都仲係脆卜卜的幾好味😋💁🏻♀️新鮮海膽、香煎帶子、蟹肉海膽忌廉汁意粉 $178又係忌廉汁既配搭，兩大件原片海膽放喺個意粉上面，帶子唔會煎得過熟，個心仲係保留住半熟狀態，外香內軟，而個
大埔出沙田真係好近，所以我成日都會出番去沙田搵食同行街，淨係喺沙田新城市廣場果邊連住幾個商場行都夠玩成日啦😌今次陪朋友買住聖誕禮物之後，我地就去左我地成日聚會既西餐廳食晚餐同埋我地心心念念左好耐既梳乎厘pancake🤓溫馨提示一下，呢度成日都好full的，記住要提出book 位呀，我之前試過拎飛等左45分鐘先入到座🤷🏻♀️當日我地兩個人，叫左兩個前菜小食、一個主食、兩份milkshakes 同埋一份pancake 兩份share，又係抱住個肚行出餐廳的一晚
💁🏻♀️藍青口白酒蒜蓉小茴香忌廉多士 $79
基本上每次都會叫既菜式之一，呢度既忌廉汁係煮得好濃稠，有陣陣既蒜蓉香，啲汁掛曬喺青口上面，食落海水味都重，啖啖都食到濃郁既香草忌廉汁，仲可以用蒜蓉包點個汁添，同樣好食💁🏻♀️三重芝士醬薯條 $52
邪惡既小食，我個frd好鍾意佢個芝士醬夠濃稠，同樣係十分掛汁的，薯條炸得好脆，就算放左一陣都仲係脆卜卜的幾好味😋💁🏻♀️新鮮海膽、香煎帶子、蟹肉海膽忌廉汁意粉 $178
又係忌廉汁既配搭，兩大件原片海膽放喺個意粉上面，帶子唔會煎得過熟，個心仲係保留住半熟狀態，外香內軟，而個意粉汁同樣係用左海膽同蟹肉調製的，意粉入口鮮味十足，係好濃郁既海鮮味道，意粉既質地煙韌彈牙，非常滋味😋💁🏻♀️Butlery’s Pancake $108
Pancake 我地今次選擇左最classic 果款，一客有兩件，配上香草牛油同埋糖漿就已經好好食🤤pancake 質感fluffy好嗦糖水，再配埋旁邊既水果同忌廉就啱曬啦💁🏻♀️朱古力香蕉花生醬奶昔 $72
朋友今次就試左呢個奶昔，我個人覺得略嫌甜咗少少，不過用料十足，食到香蕉果蓉同埋濃郁嘅朱古力醬味，配合埋花生醬既香滑，成杯野飲完都會飽飽地💁🏻♀️焦糖脆脆奶昔 $69
我每次必點嘅奶昔，因為上面嘅焦糖脆脆好好食，同埋我呢一杯奶昔相對嚟講冇咁甜，下面係用咗雲呢拿嚟做個奶昔底，簡簡單單就已經幾好味，不過一杯都幾飽㗎
張貼
