壹.01

營業中

休息中

想食下comfort food，又唔想被限時限刻食飯，好自然又會諗起呢個位於觀塘嘅台式小店。有一段時間冇嚟，餐牌都多咗啲新嘅菜式，價錢方面依然好抵食，2:30後仲有follow佢IG嘅九折優惠。香蔥紫菜手撕雞飯（$59） - 手撕雞同飯嘅份量都相當之多，入口好嫩滑，加埋香蔥同紫菜等配料，味道多層次，非常好味。我不是章魚燒（$22）- 睇見呢個名忍唔住點咗嚟試吓，原來係造型好似章魚燒嘅花枝丸。賣相靚之餘，入口亦食到彈牙嘅魷魚味，好有心思嘅小食呀。拉絲芝士火腿蛋餅（$43）- 呢個係必食推介，蛋餅外脆內軟，入面有芝士同火腿，亦做得拉絲效果，十分之出色。台北夜市小食拼盤 （$43）- 包括有花枝丸、台灣腸同埋鹽酥雞，一個拼盤滿足咗三個願望。幾款小食上菜都係熱辣辣，味道唔錯。飲品選擇亦多咗，我哋就點咗胚芽豆奶同黑糖珍珠鮮奶各一。胚芽豆奶清清地，好香豆奶味。而黑糖珍珠鮮奶好香滑，叫咗少甜少冰，味道唔會過甜。部分特飲仲做緊半價優惠，真心好味又抵食嘅一間。