一遊

營業中

休息中

🍶諾士佛台除左狂歡之外，仲可以搵到個地方同朋友飲下清酒傾下偈。我地一行4人點左支清酒🍶清酒入口順滑，味道清甜，後帶酒香。🍶刺身:赤貝，金鱔鯛，呑拿魚腩，牡丹蝦，油甘魚，厚切鮮美的刺身放入口，伴著清酒是一種享受。🍶燒物:喜歡佢調味唔會太濃，太咸，而係食食物的原味道，好適合一路食一路傾下偈。🍶鮮帶子簿餅：個餅漿調較得好好，以致食落係脆皮的口感，帶一絲絲的野菜及帶子。🍶海膽呑拿魚蓉刺身飯，喺香港唔容易食到新鮮的海膽，呢個海膽非常鮮甜厚肉，呑拿魚蓉同樣鮮味，不需任何調味，就食到鮮甜帶海水香的白飯。🍶海鮮茶壺湯: 飲落清甜，用帶子，蝦肉，蜆肉熬成的茶壺湯，以此湯作結，十分滿足。🍶飲品除清酒外，我特別推薦水果茶，佢以七種水果作基底，有雪梨，提子，蘋果，香橙等等，非常濃郁的水果香甜，帶果蓉。