喫茶ちょうぼ

營業中

休息中

喫茶ちょうぼ剛開業已經開始幫襯，到而家總共有三家分店，但我最鍾意就係銅鑼灣店，因為除咗以淺木色和風作主調，最吸引我嘅係銅鑼灣店嗰條旋轉樓梯同180度維港景色！食物方面主打精緻和洋食品，賣相同味道一直都保持到水準，所以久不久我同朋友都會去嘆下🤗3月份係日本樱花🌸季，餐廳重好有心思創作咗幾款樱花餐點！🌟花見鰻魚蛋包飯蛋包飯係呢度signature，粉紅色蛋包飯真係未見過！蛋上面有粒櫻花形裝飾，重配上秘制的粉紅色紅菜頭芝士汁，好有心思！切開後見到原條肥美的炙燒鰻魚，肉質爽滑肥美，連埋炒飯一齊食，令人好滿足😌🌟麻婆豆腐燴烏冬 本身真係唔會係日式cafe食麻婆豆腐🤣不過朋友介紹話好好味，所以就試吓啦，點知最後差不多成碗烏冬都係我食晒🤣🤣呢個醬汁真係煮得超惹味，香辣麻齊晒，啱晒我呢啲濃味人🤣豆腐同肉醬都唔少，每條烏冬都沾滿香辣醬汁，真係食到停唔到口🤪🌟櫻舞綻放盛合 櫻花主題甜品盛合賣相都係充滿少女心💖有戚風蛋糕、櫻花水信玄餅、紅豆糯米丸子同淡雪士多啤梨🍓每款都帶來唔同嘅味覺享受🥰🌟櫻漾氣泡梳打 當然都係粉紅色調🤣連隻杯都有金色櫻花圖案！梳打飲落香甜而不膩，口感清爽，食完麻婆豆腐飲佢成個人都爽哂😎🌟