影片
更多
2014-09-05
3675 瀏覽
蟹膏豆腐，味道同質數保持不變，滑溜豆腐帶清香蟹膏味道，好食 ﹗每次黎都可以寧靜地享用我既美味晚餐，但今晚真係超級嘈呀，唔知係咪今晚特別忙呢。就連服務都好似比以前差左，但都中規中句既。師傅同 waitress 都好生面口，我只係半年無黎啫。富士蘋果蟹籽沙律，機乎每次都好叫，唔係蘋果就蕃茄架啦 ﹗先黎個前菜開開胃先，富士蘋果清甜爽口又多汁，配埋清瓜絲同沙律醬，沙律醬份量剛剛包住所有蘋果絲及青瓜絲，絕對唔會過火。再 on top 灑上大量鱈魚料，味道更香甜，好味 ﹗咁啱同上次一樣，都係蟹膏豆腐、富士蘋果蟹籽沙律作 opening ﹗松刺生盛，真係花多眼亂，咩都想食，都唔知叫咩好囉，先食個刺生併盤再慢慢諗啦 ﹗活龍蝦刺生，點解今次切到一粒粒呢？一片片會靚啲、口感又好啲喎 ﹗龍蝦肉彈牙滑溜又清甜，當然好味道。珍寶帶子刺生，又棉又滑，極之肥美香甜。油甘魚腩刺生，魚油澎湃，色澤鮮明，魚味特濃，大愛 ﹗極上吞拿魚腩刺生，入口即溶既感覺只有粉紅色先會有，滑滑既吞拿魚腩一放入口已完全滲進每粒味蕾，餘香久久不散，美味極了 ﹗飛魚刺生，經常飛黎飛去、大量運動既飛魚，肉質特別結實有咬口，只係魚味較淡 ﹗飛魚魚味
富士蘋果蟹籽沙律，機乎每次都好叫，唔係蘋果就蕃茄架啦 ﹗先黎個前菜開開胃先，富士蘋果清甜爽口又多汁，配埋清瓜絲同沙律醬，沙律醬份量剛剛包住所有蘋果絲及青瓜絲，絕對唔會過火。再 on top 灑上大量鱈魚料，味道更香甜，好味 ﹗咁啱同上次一樣，都係蟹膏豆腐、富士蘋果蟹籽沙律作 opening ﹗
松刺生盛，真係花多眼亂，咩都想食，都唔知叫咩好囉，先食個刺生併盤再慢慢諗啦 ﹗活龍蝦刺生，點解今次切到一粒粒呢？一片片會靚啲、口感又好啲喎 ﹗龍蝦肉彈牙滑溜又清甜，當然好味道。珍寶帶子刺生，又棉又滑，極之肥美香甜。油甘魚腩刺生，魚油澎湃，色澤鮮明，魚味特濃，大愛 ﹗
極上吞拿魚腩刺生，入口即溶既感覺只有粉紅色先會有，滑滑既吞拿魚腩一放入口已完全滲進每粒味蕾，餘香久久不散，美味極了 ﹗飛魚刺生，經常飛黎飛去、大量運動既飛魚，肉質特別結實有咬口，只係魚味較淡 ﹗飛魚魚味雖淡，但食落有淡淡清香，魚肉鮮嫩有彈性，好好味 ﹗
活龍蝦刺生，我既至愛，好食到企唔穩呀 ﹗龍蝦肉鮮甜又爽口，味道正到無得彈。美味 ﹗活帶子刺生，口感軟棉滑溜，味道鮮甜到不得了，甜味留係口腔中久久不散。極上吞拿魚腩，粉紅色可遇不可求 ﹗魚油超豐富，甘香無比，質感無筋滑溜溜，好正呀 ﹗ 硬係覺得前三次招乎我既師父比既種類多啲、份量又多啲、招乎又好啲、nice 啲囉 ﹗
原隻活赤貝刺生，朋友仔話怕韌咬唔到，無可能架喎，從未試過，佢應該跟普通赤貝或北寄貝混淆左喇 ﹗活赤貝即叫即開，赤貝肉程鮮嫩橙紅色，賣相十分吸引，仲傳黎陣陣清香﹗當然好香好甜又好鮮啦，真係想食多幾隻呀 ﹗肉質嫩滑又軟棉，正 ﹗
海膽軍艦，勁多海膽呀！滿到瀉，見到都開心 ﹗鮮鮮鮮，好清甜、好滑溜 ﹗即握壽司飯，軟硬適中又乾爽，酸甜度仲剛好添 ﹗加埋脆口紫菜，仲有即磨鮮山葵，Very Good ﹗大部份一般日本餐廳煮既飯都唔合格。朋友仔話怕腥，佢一向都唔會食，但係我未試過腥既海膽喎，邊間飯店質數咁差呀？
鐵板燒三文魚柳，次次都係銀鱈魚真係悶悶地，另類一啲試三文魚啦 ﹗近 7 成熟既三文魚柳，外層煎得香口同時煎封魚既肉汁 ﹗ 熟既地方魚味濃而質感較結實，越向來發展就越鮮嫩軟棉多肉汁，滿意。
龍蝦麵豉湯，將剛才龍蝦刺生剩返既龍蝦頭同龍蝦膏去煲湯，龍蝦膏餚出黎既湯底有超濃郁龍蝦味，好正喎 ﹗以前試過求期滾兩滾就上枱，淡到死 ﹗依次絕對係天與地，飲碗暖笠笠既靚湯，好滿足啊 ﹗
牛肉稻庭手打烏冬，梗係好味啦 ﹗手打烏冬嚥韌滑溜不易斷，掛上香濃湯汁，食都唔停得口 ﹗湯底清甜帶牛肉味，正呀 ﹗淮山漬，最後黎個醬汁淮山作尾聲清清味蕾，脆口帶甜，好食。
以前既師傳都會請免費小食或甜品氹氹食客們，今次咩都無囉，連免費前菜都無，變左喇 ﹗今日 order 既食物同上次有 9 成相似呀，就係咁橋，真搞笑 ﹗
張貼
