一生懸麵

營業中

休息中

對比起拉麵我更加鍾意食沾麵,最好就係可以選擇沾麵嘅麵質。無意間俾我搵到依度嘅沾麵除左可以選擇硬度之外,仲可以選擇熱麵或者冷麵。男朋友選擇左辛辣沾麵,湯底唔算辣不過有辛香,佢就選擇咗熱沾麵,辛辣湯底比較杰身,掛麵效果比較好。溏心蛋嘅流心效果吾錯,叉燒亦夠淋而且叉燒預先燒過,有火焰香氣。我選擇左濃香櫻蝦沾麵,因為我比較鍾意食有口感嘅拉麵,所以我就揀左較硬冷麵,拉麵經過過冷河食落比較煙靭有口感,沾麵櫻花蝦湯底有滿滿櫻花蝦,沾麵湯底比較稀,掛麵效果唔算太理想,但櫻花蝦嘅香味依然突出。