影片
更多
2024-07-20
158 瀏覽
今日同朋友去黃埔花園親友屋企打麻雀，打完後就同朋友去食晚飯，親友就介紹我哋去樓下一間餐廳食，佢話間餐廳啲食物好好食，亦好抵食。這間餐廳叫勁餃笑，位於紅磡德民街36號地下5L號舖，港鐵黃埔站B出口，行2分鐘就到，非常方便。這間餐廳外嘅招牌非常光亮，令人一眼就見到，室外室內裝修簡約以木系為主調，地方整潔，枱椅擺設整齊，坐得都舒適，仲有調味料自助區，因應自己嘅口味加豉油、香醋、檸檬汁、青檸汁，令食物更加入味，店員服務態度好，來這裏食真是不錯。餐牌嘅食物選擇有水餃、煎餃、麵食、小食、飲品、甜品，水餃同煎餃都有好多款式，有韮菜豬肉餃、白菜豬肉餃、椰菜豬肉餃、香蔥豬肉餃、大蔥牛肉餃、大葉雞肉餃、芝士辣雞餃、黑松露粟米豬肉餃、鮮蝦帶子餃，仲有一種好特別嘅餃子叫做唔知食咩好，真係有唔錯嘅食品，而且仲有免費點選香辣菜脯，個菜脯又香又辣，十分惹味。我就叫咗水餃套餐，包括有水餃嘅白菜豬肉餃拼鮮蝦帶子餃，小食嘅麻辣牛腱及飲品嘅洛神花茶，我朋友叫咗煎餃套餐，包括有煎餃嘅香蔥豬肉餃拼大蔥牛肉餃，麵食嘅雞湯拉麵，小食嘅醉蝦及飲品嘅羅漢果白茶。白菜豬肉餃用白菜配合豬肉，白菜爽脆，而豬肉嫩滑新鮮，餃子皮厚薄適中，煙煙韌
這間餐廳外嘅招牌非常光亮，令人一眼就見到，室外室內裝修簡約以木系為主調，地方整潔，枱椅擺設整齊，坐得都舒適，仲有調味料自助區，因應自己嘅口味加豉油、香醋、檸檬汁、青檸汁，令食物更加入味，店員服務態度好，來這裏食真是不錯。
餐牌嘅食物選擇有水餃、煎餃、麵食、小食、飲品、甜品，水餃同煎餃都有好多款式，有韮菜豬肉餃、白菜豬肉餃、椰菜豬肉餃、香蔥豬肉餃、大蔥牛肉餃、大葉雞肉餃、芝士辣雞餃、黑松露粟米豬肉餃、鮮蝦帶子餃，仲有一種好特別嘅餃子叫做唔知食咩好，真係有唔錯嘅食品，而且仲有免費點選香辣菜脯，個菜脯又香又辣，十分惹味。
我就叫咗水餃套餐，包括有水餃嘅白菜豬肉餃拼鮮蝦帶子餃，小食嘅麻辣牛腱及飲品嘅洛神花茶，我朋友叫咗煎餃套餐，包括有煎餃嘅香蔥豬肉餃拼大蔥牛肉餃，麵食嘅雞湯拉麵，小食嘅醉蝦及飲品嘅羅漢果白茶。
白菜豬肉餃用白菜配合豬肉，白菜爽脆，而豬肉嫩滑新鮮，餃子皮厚薄適中，煙煙韌韌，非常美味。鮮蝦帶子餃隻蝦大大爽口彈牙，帶子鮮甜，粟米就帶出一份香甜味，令口感增添不少，湯底是每日用新鮮雞熬製，好適合用來吃水餃。
大蔥牛肉餃是煎餃雙拼其中一款，大蔥味都好香口，牛肉都幾多肉汁，大蔥增添咗牛肉嘅鮮味，外層煎得好香脆，賣相唔錯，搭住香嫰菜脯食落一流，另外香蔥豬肉餃亦煎得非常唔錯，香蔥味帶出豬肉嘅香味，肉汁更香甜好味，沾上香醋同青檸汁，特別有提鮮味道。而拉麵就軟腍適中，仲帶一點爽口，湯底喺個濃郁味淡白色嘅雞湯，拉麵連埋香蔥一齊食，非常清甜好食。
小食方面，醉蝦同埋麻辣牛腱都非常入味，醉蝦將蝦肉剝埋殼，再放上花雕酒醃得好入味，直接將醉蝦擺入口食，啖啖肉好香酒味。麻辣牛腱就真係好夠麻辣，牛腱加埋青瓜粒好爽口，好配合食餃子食拉麵。
羅漢果白茶同洛神花茶係自家製嘅茶品，用罐裝裝住增加冰凍感，洛神花茶激味道酸酸甜甜，令人十分開胃，而羅漢果白茶的羅漢果味出眾，感覺很消暑，甜度剛剛好不會過甜，感覺好健康。
勁餃笑真係好值得推薦俾大家，食得又好滋味，又好抵食，價錢又唔貴，我哋下次都會再來食埋其他款式嘅餃子。
張貼
