Mata Japanese Cuisine

營業中

休息中

原來依家長沙灣廣場大變身入面有好多唔同種類嘅餐廳，迎合新一代嘅口味。今次發現咗呢間充滿日本風情嘅半開放居酒屋，主打仲要係有自家製嘅特色雞尾酒，我哋選擇坐喺吧枱，前面就會係同Bartender有直接嘅接觸。每一款Cocktail沖之前都會為你介紹當中嘅酒同味道，調酒師仲好風趣談笑風生，同客人有相當多嘅互動鍾意呢種chill嘅感覺。原條日本喜之次一夜干，魚肉嫩滑味鮮，擠上少少檸檬汁有助提升層次感。黃嘅cocktail 係用左rum酒、蛋酒同菠蘿調配，飲落口味道好得意，好似益力多同時多左果香又唔似益力多咁甜，好易入口，啱晒唔識飲酒嘅人。佢仲有烤鱈魚乾，非常香脆可口，非常適合送酒。仲有明太子翠玉瓜同烤豚肉卷，串燒味道都10分唔錯。食完仲有自家製花生酥，花生酥咬落鬆軟可口，有種入口即溶嘅感覺，好香花生味。