반찬앤쿡 Banchan and Cook (太古城中心)

營業中

休息中

星期五lunch 同三個同事一齊過黎食飯，佢係安排入座之後，就自己拎menu 睇，揀好食咩之後就出counter 落單，店員會俾舊野你，食物準備好，舊野就會震，再出去自己拎，食物落好枱又要拎番個盤出去，水自己斟，餐具自己拎，咁既價錢，但就無咩服務，想去食既就自己衡量下喇蜜糖炸雞，好食，夠甜，外脆內軟，唔會炸到變柴皮👍🏻👍🏻👍🏻附帶既薯條同幾舊年糕都好食，都係甜甜地既佢有啲前菜跟嘅，呢碟係蘋果薯仔，酸酸地都幾好開胃，另一款係紅菜頭，味道都唔錯海鮮年糕，我個人認為呢啲唔係幾夠味，因為你知年糕都係冇咩味道醬汁應該要濃味啲先會好食，所以我覺得呢碟麻麻地芝士豬扒，唔係好感覺得到自己食緊豬扒，反而係好多水牛芝士嘅感覺，佢入邊所謂嘅豬扒似係一片片嘅豚肉多啲，如果你純粹想食芝士嘅話呢個都可以嘅，值得讚嘅係佢粒蕃茄好夠酸，用嚟解膩都唔錯牛肋骨蛋包飯，牛肋炆得好夠林同埋入味，個蛋亦都好滑，呢碟算係煮得唔錯👍🏻👍🏻👍🏻實在唔記得呢個叫咩名，我就覺得太甜啦，呢碟基本上就係下面有啲消化餅嘅碎上面加棉花糖拎去焗爐度焗，然後再加上朱古力醬就完成，太甜嘅關係我只係食咗一粒棉花糖，其他同事就唔覺得太甜仲話覺得好食，鍾意