影片
更多
2021-07-28
36 瀏覽
今日經朋友介紹，陪佢再嚟食呢一間佢讚口不絕嘅雞煲。由於我哋比較早入去，加上平日唔使等位就可以直接有得食。餐廳食嘢食嘅選擇都幾多，唔食雞煲嘅話都可以食烤魚等。我哋兩個人嗌咗半隻原味雞煲加花膠同鮑魚，員工非常有耐性咁介紹菜式俾我哋食，原本佢極力推薦我哋食花膠不如食魚鰾，但因為小妹唔鍾意食魚，驚新鮮嘅魚鰾會腥，所以最後都揀咗花膠。餐廳有六款配料可以自己溝豉油，食得辣嘅朋友仔可以溝佢哋嘅辣醬，入面有櫻花蝦，好香口。坐咗一陣雞煲就嚟啦，第一次食雞煲係有咁多唔同嘅配料，除咗普通嘅雞、洋蔥同蔥之外，仲有四季豆、豆卜同黑木耳，全部都係我最愛食嘅嘢呀！我淨係食配菜都食到三份一飽～另外鮑魚新鮮彈牙，花膠就不過不失，雞肉好入味，雖然嗌咗唔辣，但本身嘅雞煲醬料都有少少辣，好香口入味。員工超級好人，主動俾咗兩粒佢啱啱極力推介嘅魚鰾俾我哋試，食完即刻就後悔了，早知應該聽佢講。魚鰾係厚身彈牙果種，一啲都唔腥之餘，口感係張住張住果種，滿滿既骨膠原感覺，超好味！下次嚟一定會嗌呢個！！餐廳$38可以享用珍寶檸茶，真係好大杯，係大啤酒杯份量，夠食晒成餐飯。牛魔王拼盤：呢個拼盤一次過可以食到8種唔同嘅牛部位，絕對係牛魔王首選
餐廳有六款配料可以自己溝豉油，食得辣嘅朋友仔可以溝佢哋嘅辣醬，入面有櫻花蝦，好香口。
坐咗一陣雞煲就嚟啦，第一次食雞煲係有咁多唔同嘅配料，除咗普通嘅雞、洋蔥同蔥之外，仲有四季豆、豆卜同黑木耳，全部都係我最愛食嘅嘢呀！我淨係食配菜都食到三份一飽～另外鮑魚新鮮彈牙，花膠就不過不失，雞肉好入味，雖然嗌咗唔辣，但本身嘅雞煲醬料都有少少辣，好香口入味。
員工超級好人，主動俾咗兩粒佢啱啱極力推介嘅魚鰾俾我哋試，食完即刻就後悔了，早知應該聽佢講。魚鰾係厚身彈牙果種，一啲都唔腥之餘，口感係張住張住果種，滿滿既骨膠原感覺，超好味！下次嚟一定會嗌呢個！！
餐廳$38可以享用珍寶檸茶，真係好大杯，係大啤酒杯份量，夠食晒成餐飯。
牛魔王拼盤：呢個拼盤一次過可以食到8種唔同嘅牛部位，絕對係牛魔王首選！最令我驚喜嘅係牛胸油，就咁睇以為係一大Pat肥膏，點知食落口原來係爽脆彈牙，完全冇肥膩感，店員話仲係好稀有嘅部份添！另外牛丸亦都係值得一試，牛丸入邊係有牛筋，牛味超重又有咬口，超正呀!
紙豆腐：我第一次聽亦都係第一次食呢樣嘢，原來係好似響鈴咁嘅食法，望落似蛋捲，輕輕放落湯度，兩秒就可以撈上嚟食啦，味道淡淡哋都唔錯。
總括而言，我完全明白點解朋友要帶我嚟食呢間餐廳，因為真係好好食！佢嘅食材同埋雞煲味道同坊間一般嘅舖頭都好唔同，我下次一定要再嚟食佢嘅魚鰾！同埋員工服務態度真係超超超級好，住屯門嘅朋友仔可以去試一試～
張貼
