再來一煲 (好順景大廈1座)

營業中

休息中

很久沒有吃過美味的雞煲了今次品嚐這間位於元朗的雞煲店非常不錯✤ 招牌魔鬼雞煲 (半隻$198)這間店的雞煲非常特別因使用了印度魔鬼椒🌶辣度遠超平常的辣椒店員好細心向我們講解建議我們如果平常吃開小辣的話可以點BB辣試試看果然辣度好夠雞煲內搭配了多種新鮮配料如洋蔥🧅、蒜頭🧄、檸檬葉、薑🫚和芹菜令整個雞煲香氣十足雞件亦很嫩滑✤ 雞煲我們額外加點了雞雜（$48)、鵪鶉蛋($38)和鮑魚(每隻$16)一同炒香材料份量很多而且好新鮮加上惹味的醬汁令人欲罷不能另外再點了些火鍋料✤ 爆汁牛筋丸(半份$48)✤ 支竹（$32)牛筋丸牛肉味超濃郁咬下去瞬間爆汁💦很出色除了雞煲火鍋外餐廳亦有小食可以點✤ 椒鹽粟米($58)鹹香椒鹽炸蒜配上甜美多汁的粟米🌽絕對值得一試總結除了餐廳的招牌雞煲好吃之外其他火鍋料和小食都不錯而且值得一讚是店員非常熱情細心除了替我們控制火候🔥外還周不時替我們撇去湯面上的油脂並主動添加湯汁非常貼心

好耐好耐無食雞煲了，咁岩朋友元朗上完堂過去搵佢食飯，前一日打去訂咁岩有人取消booking 🥹,幸運地有人取消先有機會食到美美雞煲！因為裡面唔大大概就7-8張台，都係4人台，大班人就唔無好夠坐了，如果想食一定要訂位。一黎到比佢啲辣逐親，咳到癲左，但好在無放棄佢過左一陣認一認就得到美食啦！雞煲整體醬汁係編甜（岩我口味😜），甜甜辣辣又有啲麻，麻得黎會有檸檬葉清新味道，好有層次嘅味道，唔係死辣，正常食完雞次後就加水打邊爐，我地都覺得個汁好好味，唔捨得倒水落去溝淡佢，最後叫左鵝膠，生腸，萵筍，水魷魚，倒晒落去，全部野都索晒啲汁，好食到癲啊，根本食到停唔到口。除左雞煲我地仲叫左生豪，生豪好新鮮加埋個醬汁又係一流😋。但個粟米就正常發揮唔特別。哩餐食得好幸福。

雞煲加火鍋係完美配搭！👏鐘意食辣可以去挑戰下！聽講有18禁的變態辣🌶️🌶️🌶️但都可以簡唔辣架🫡餐廳服務好好！專人定期幫你撈同隔油！招牌魔鬼雞煲（半隻） $198今次我地簡左手抱B辣 係比bb辣更少 食落就唔辣但都有少少香味 主要醬汁偏向甜味 份量超多！配料好豐富 四季豆 雲耳 洋蔥 豆卜等等 好入味！養顏豬腳筋 $108係secret 食法！可以加落去雞煲一齊煮一齊食！第一次食好好食😋係滿滿骨膠原😍😍好有膠質啊～ 推薦手切本地牛 $198手切係特別好食！肉質好好👍烏卒卒粒粒墨魚滑 $98餐廳signatures 係mix 幾款墨魚 好彈牙！醬料費 $14/位加一服務費

#christine開飯日記 一凍又想打返個邊爐🤭唔知幾時開始雞煲同邊爐變左要搭埋一齊食先有風味🤗今次就同男朋友去左位於元朗鳳攸南街「再來一煲」🍲我地果日7點左右去到都已經好full啦，建議大家想去食嘅記得要早啲book 位啦🙈佢地嘅雞煲係用魔鬼辣椒做嘅，我就叫左手抱bb辣🤭都已經有出面少辣嘅程度🤭🌟招牌雞煲 （$198）即叫即炒，一打開個蓋已經聞到好香嘅麻香味👍真係會流口水架🤭佢嘅醬汁都好濃架，而且雞肉好嫩，係用走地麻雞👍👍唔怪之得咁多人排隊啦🌟安格斯封門柳（例） ($138)佢嘅牛肉都幾出色，花紋好靚之餘仲好濃牛肉味，我同男朋友食到們唔到口🌟0.03紙豆腐（$32）依個0.03紙豆腐係佢嘅人氣推介嚟架🤭就真係好似一張宣紙咁薄，浸落去個湯底度幾秒，其實就已經吸晒湯底嘅味道，鍾意食響鈴嘅人士，一定要試吓佢🌟爆汁牛筋丸（$48）佢呢個牛筋丸丸如其名。真係超爆汁。而且呢佢喺入邊撈咗少少牛筋，食落特別彈牙👍👍🌟牛柏葉（$52）佢嘅牛柏葉淥2分鐘左右就Perfect啦，一啲都唔會韌，而且吸埋雞煲嘅湯底。真係好好味。🌟蜜椒招薯仔牛柳粒（$78）我見枱枱都有叫呢個牛柳粒，梗係要叫返碟唔走寶啦🤭佢嘅

去元朗食雞煲可以試吓「再來一煲」嘅招牌魔鬼雞煲！一試難忘既美味😋當晚去到已經滿座 如果想試嘅話記得早啲打去預約呀👍.❀招牌魔鬼雞煲去之前朋友點醒我「再來一煲」既辣度係比起出邊餐廳辣一度！唔食得辣嘅我梗係叫最低級嘅手抱B辣啦 店員首先會幫你炒一炒雞煲 即場就會聞到好香嘅洋蔥同醬汁香醬汁相當之惹味而且雞件都非常新鮮 啖啖肉食完雞煲店員會幫你加上雞湯比大家打邊爐🍲.❀即叫即炸餐肉條‧₊˚超厚切！❀手打蝦滑‧₊˚蝦滑非常新鮮 ❀紙豆腐‧₊˚新奇嘅配菜口感相當趣緻❀嫩鴨血‧₊˚份量很多 口感嫩滑❀黑毛豬肉片‧₊˚薄切豬肉片 咬感軟熟.❀蜜椒薯仔牛柳粒薯仔細細粒做到外脆內軟 牛柳粒烹煮嘅時間剛剛好肉質好鬆軟 味道調配得相當之唔錯鹹甜平均

元朗隱世小巷雞煲天氣就會成日心思思想食雞煲，今次就去咗朋友仔介紹位於元朗雞地嘅再來一煲!小店位於巷仔入邊，去到嘅時候唔少街坊已經喺度食緊，一入到去麻香味滿滿，已經忍唔住啦餐廳的每一煲都是即叫即炒，上到枱店員會幫炒足3次，雞煲配以店家新鮮材料及獨門配方精製，用咗印度辣椒🌶️麻香味特別重，醬汁濃郁，香辣惹味，吃完嫩滑雞件牛王拼盤$348今次就叫咗一份細嘅，拼盤款式夠豐富，包括牛面肉、牛胸爽、封門柳、牛小排、牛吊龍、牛舌、鮮滑牛加蛋黃、牛筋丸牛胸爽油脂充足而且質感爽口；牛小排牛味香濃而且脂肪分布平均；牛筋丸吃到一粒粒牛筋，非常彈牙珍寶檸檬可樂38呢度嘅飲品非常誇張，全部都係珍寶size屯門店: 屯門青棉徑6號好發大廈地下17-20號舖元朗店: 元朗鳳攸南街3號好順景大廈1座地下47號店

元朗隱世小巷雞煲星期五又係時候搵好嘢食，朋友介紹咗我去元朗雞地一間隱世雞煲，鋪仔細細，但係6:00去到已經有唔少客人食緊試吓佢哋招牌麻辣雞煲，一打開個已經覺得好特別，麻香味特別重，醬汁濃郁，香辣惹味，吃完嫩滑雞件由於今日得兩個人就冇試到佢哋招牌牛魔王拼盤，不過店員就介紹試吓佢哋嘅手切本地牛，脂肪比例均勻，牛肉香味濃厚作為牛肉愛好者當然唔少得叫埋本地牛胸爽，入口卻是清甜間微微泛著牛油的香味，口感脆而爽口不得不讚再來一步店員服務親切友善除咗食物之外令人印象非常深刻屯門店: 屯門青棉徑6號好發大廈地下17-20號舖元朗店: 元朗鳳攸南街3號好順景大廈1座地下47號店

雞煲係要微辣先好食 奈何我真係少少都食唔到😭不過試過再來一煲嘅唔辣雞煲 就知道就算雞煲唔辣都可以好好食😋佢哋炒得好入味 雞件大嚿亦好嫩滑👍🏻每舊都有濃稠嘅醬汁包裹住 我哋仲喺雞煲加咗雞雜同鵝腸 $404 鵝腸份量都好多 爽脆彈牙 加埋一隻雞份量夠五個大人同一個小朋友食🥳之後再加清湯打邊爐🍜打邊爐我哋叫咗一個牛魔王拼盤$488同即炸炸響鈴$48贈送咗一碟安格斯封門柳 拼盤裏面有吊龍、牛舌、牛胸、牛小排、牛腹肉、滑牛肉 我就最鍾意食吊龍 最濃牛味同有咬口 其次係牛胸 爽脆口感 不過熟咗就好細片 唔夠喉🥹即炸響鈴 喺未加湯之前點雞煲食 勁脆 脆到好似薯片咁😋平時唔食響鈴嘅我都愛上咗 仲有必叫既椒鹽粟米 因為食唔到辣嘅我專登走蒜 過下口癮🤣食雞煲一定要叫嘢飲 呢度就有大大杯嘅凍檸茶$38🍹食足一個鐘都飲唔晒！❤️‍🔥值得一讚嘅喺呢度嘅侍應姐姐好盡責 每一台都會幫客人炒一炒個雞煲 亦都會介紹食材 我見隔籬枱杯嘢飲冇晒冰佢都主動幫人加 非常細心🫶🏻見我哋有小朋友就介紹一款叫開心樂園餐嘅烏冬$48 比小朋友食 裏邊有午餐肉、蟹柳、腸仔 就算小朋友唔岩食雞煲 都有碗麵醫肚 呢個真係第一次去食雞煲見💪🏻外

我們book 了18:00。我們準時到達餐廳點了餐後，雞煲在19:00後才送給我們。但店員仍堅持要求我們20:00 需要準時交枱。本來我們預計會有兩小時用餐，現在因為餐廳1小時後才來雞煲，我們真正用餐的時間少於1小時。職員還不斷催促我們，怪責我們沒有準時交枱。服務態度極差。絕無下次！！！！

見到食評甘好，去左試，好失望！雞煲叫左bb辣，辣度有出面既中辣程度，醬汁偏甜，香料落得重口味，加左湯會越煮越濃。叫左幾樣配料都好一般，價錢又偏貴，2個人食左差不多700蚊，完全唔值，又唔好食，冇下次

Tucked away in a quiet corner of Yuen Long, It is a cozy and intimate restaurant that specializes in clay pot cooking. As you step inside, you'll be greeted by the comforting aromas of slow-cooked dishes wafting from the kitchen. The restaurant's warm and inviting atmosphere sets the stage for a leisurely meal. The menu features a variety of clay pot dishes, each cooked to perfection and bursting with flavors. Whether you choose the sizzling clay pot rice with tender chicken, the aromatic braise

真係再來一煲！！！好值得試下辣度比出面辣好多 食譚仔大辣食哩到中辣已經好辣 食唔到菜😂😂再打邊爐個湯都好濃味 唔點醬油都得！ 重口味人必試！食物質素都好好 好新鮮！！

國慶就諗住同屋企人去餐好既😋 即日打電話預約竟然都約到晚上8點鐘，唔理三七廿一book左先❗❗7點50分左右到達店員已經安排好位置比我地入去，店內環境都幾細，只有7~9張枱左右。首先就揀左雞煲口味先，我地就揀左BB辣(因為老媽子唔係太食得辣🤣因為怕食雞會食飽左咁就食唔到其他火鍋配料，所以就只係叫左半隻雞🤣咁就咩都可以食下~等左一陣店員就拎個雞煲過黎，仲會幫手炒埋👍🏻我地仲加左鵪鶉蛋，本身想加埋鵝腸不過店員話已經售罄了😢😢可惜~啲雞一食落去甜甜地好好食，不過辣就真係唔係好辣🤣食得辣既人一定要叫小辣或以上🌶️啲雞肉又嫩口又惹味，越食越開胃😋😋食晒啲雞就轉打邊爐，話左個牛魔王拼盤(例)、嫩鴨血、即叫即炸脆響鈴、即叫即炸餐肉條、手工韭菜餃等等等等...即叫即炸脆響鈴等得有啲耐，不過等咁耐真係值得，因為真係好好味😭😭😭大推💯嫩鴨血我就覺得唔夠嫩滑一般般😥😥其他都好好食，不過不失，重點係店員態度好好~食滿$1200仲會送安格斯封門柳一份😍4個人都幾容易就可以食到🤣下次一定會帶其他朋友再黎食！

唔係地膽帶路，都唔知原來呢條巷仔有間咁正嘅雞煲🤩🤩即刻成為我嘅收藏愛店💖 個雞煲淨係叫小辣已經辣到飛起。見到仲有變態辣，唔知有冇人真係會挑戰🤣🤣🔥招牌雞煲🐓（半隻）$198黎到煮滾後店員會幫手兜3次，兜完先夠熟。揀左小辣，淨係聞到已經覺得好辣！呢到嘅辣度比出面嘅高一級，小辣已經去到出面中辣程度。半隻雞都有唔少雞件，好厚肉，醬汁濃香惹味👍🏻👍🏻冬天食應該仲正🔥安格斯牛小排（例）$168安格斯口感較薄，花紋比例均勻，放落湯底掛汁入味🔥即叫即炸脆響鈴$42見到咁大份都嚇一跳，比平時食嘅響鈴大件兩倍，金黃薄脆🔥瀑布芝心牛丸（半份）$48一咬落去啲流心芝士🧀️爆漿咁爆出黎！要小心啲食🤪牛丸爽口彈牙，超正！🔥蜜椒薯仔牛柳粒$78見到寫住鎮店之選，就一於試下。蜜糖包覆住嘅薯仔粒🥔脆邊又香甜。牛柳粒軟腍，頗為下飯🔥椒鹽粟米🌽$58咸咸甜甜，粟米肉外脆內嫩🔥珍寶凍檸茶🍋$38大大杯仲要無冰，但又夠凍，辣住食雞煲飲超爽！！🔥醬介🍶$14/位食完即刻想再來一煲，辣得好過癮！

我哋嗌咗招牌魔鬼雞煲（半隻）（$198）、蜜椒薯仔牛柳粒（$78）、安格斯牛小排（$168）、黑毛豬肉片（$88）、瀑布芝心牛丸（半份）（$48）、堅胡椒豬肚丸（半份）（$48） 、0.03紙豆腐（$32）咁首先講咗招牌魔鬼雞煲先啦（老闆同我哋講如果出面雞煲食開小辣嘅話，就最好嗌BB辣）所以我哋就揀咗BB辣（但係呢個辣度對我嚟講已經中辣🥵🥵）辣還辣佢呢個雞煲真心幾濃郁👍👍而且唔會好似出面嗰啲大部分都係骨雞肉食落去都好嫩滑跟住就講吓小食/肉類啦其中一個我覺得呢個舖頭幾特別嘅係佢有得嗌一啲大排檔先會食嘅嘢例如椒鹽粟米同埋我哋嗌咗嘅蜜椒薯仔牛柳粒🥰🥰佢嘅薯仔粒真心幾正味道甜得嚟又唔會太過膩😉😉牛柳粒食落去亦都好有咬口之後嘅安格斯牛小排油脂分布好均勻😋😋黑毛豬肉片食落去好煙韌、完全唔乾咁之後就講埋其他打邊爐配料啦堅胡椒豬肚丸食落去真係超Juicy😘😘瀑布芝心牛丸一咬落去就有好多芝士爆曬出嚟（同埋建議大家攤凍啲先食如果唔係就會辣親個嘴😅😅）而0.03紙豆腐其實就係有啲似響鈴食落去都真係幾薄吓同埋就講埋佢哋嘅嘢飲啦我哋兩個都嗌咗珍寶凍檸樂（$38）🤔🤔但係都冇諗過係咁大杯嘅😆😆真心好抵飲‼️‼️最後值