牛品台式火鍋

營業中

休息中

呢日用openrice訂座到訪，午市不用等位，店內大約1/3滿。有3個餐，我哋揀咗中間價錢嘅餐，$219，食90分鐘。湯底揀一款，揀咗養生鍋。養生鍋一開始有啲似豆乳鍋，內有當歸杞子，食落都幾勁藥材味，少苦外面有不少丸、菜可以攞，醬汁仲有好多款。飲品有台灣罐裝飲品，例如鳳梨檸檬茶、荔枝檸檬茶、一啲迷你樽裝飲品，仲有自家泡茶，有桂花烏龍同洛神花兩款。中間價錢餐先有嘅美國頂級肩胛，淥一淥唔好淥太耐，仲係好軟好嫩，淥耐左會有少少鞋。安格斯牛板腱個人覺得呢款係最好食，仲好食過肩胛。有油香，肉好嫩好軟熟，又香。豬五花嫩，唔鞋，幾好食不過好肥只吃了一碟豬梅肉都好嫩唔錯牛舌芯托彈牙爽口羊肉片唔會太羶，少少，可接受，算幾香醉雞件唔太勁酒味，雞肉有啲鞋甜品，出面自助區自選配料配料好豐富，有三色芋圓、愛玉凍、西米、薏米、鳳梨椰果、紅豆、涼粉，仲可以落花奶、黑糖、糖漿，幾特別，同埋抵食，另外都有杯裝雪糕自助區仲有自助食物，有飯、是日湯、肉燥、拍青瓜等等。落單掃qr code落，但必須使用店內wifi。200幾蚊食90分鐘，野食算多，肉都唔錯，算抵食。上菜速度好快，叫完5分鐘就有，收碟都快。不過店員會好準時叫你