影片
更多
2022-12-27
283 瀏覽
聖誕當日突然諗到不如趁26/12仲係假期，就帶狗狗到Billow啦~~ 試下網上訂位，幾意外係假日都易book，有午市同下午茶時段可選，最後就揀咗1500。個訂位網站提供埋下午茶餐牌，同平時果個一樣，心諗：咁既好，假期都冇加價！一嚟到就見到標誌性的爬屋仔巨型吹氣聖誕老人，好得意呀！雖然之前睇食評見過啲相，但親眼睇到係開心啲。除咗留意到個聖誕老人之外，就係餐廳外一條10多人的人龍，大家排隊walk in食嘢。好在有訂位，如果同埋狗狗咁等，仲分分鐘冇位的話，就太掃興喇。我哋被安排坐室外，木檯椅，果度好多食客都係帶埋狗狗，雖然唔係太spacious，但整體ok。侍應送上餐牌，表示聖誕節有特別套餐（$798；要2位以上一齊揀先可以）或可點正價食品，而正價食品係由原本的餐牌抽取出嚟，選擇少，如素食就只有溫室日本南瓜意粉，而我最後揀咗冇標明係素食但材料係蔬菜的黑松露菌忌廉汁麻花捲意粉，狗狗爸爸就點咗5成熟免翁牛柳，甜品係66%朱古力慕絲蛋糕。而原本訂座時有提供下載的下午茶餐牌其實唔存在喺聖誕假期，呢餐亦唔算經濟實惠，求其食啲嘢都差唔多$400/位，仲係下午茶時段添未上菜先幫狗狗打卡，離遠同湖景合照
一嚟到就見到標誌性的爬屋仔巨型吹氣聖誕老人，好得意呀！雖然之前睇食評見過啲相，但親眼睇到係開心啲。除咗留意到個聖誕老人之外，就係餐廳外一條10多人的人龍，大家排隊walk in食嘢。好在有訂位，如果同埋狗狗咁等，仲分分鐘冇位的話，就太掃興喇。
我哋被安排坐室外，木檯椅，果度好多食客都係帶埋狗狗，雖然唔係太spacious，但整體ok。侍應送上餐牌，表示聖誕節有特別套餐（$798；要2位以上一齊揀先可以）或可點正價食品，而正價食品係由原本的餐牌抽取出嚟，選擇少，如素食就只有溫室日本南瓜意粉，而我最後揀咗冇標明係素食但材料係蔬菜的黑松露菌忌廉汁麻花捲意粉，狗狗爸爸就點咗5成熟免翁牛柳，甜品係66%朱古力慕絲蛋糕。而原本訂座時有提供下載的下午茶餐牌其實唔存在喺聖誕假期，呢餐亦唔算經濟實惠，求其食啲嘢都差唔多$400/位，仲係下午茶時段添
未上菜先幫狗狗打卡，離遠同湖景合照。啊，原來湖中心豎立咗一棵巨型聖誕樹，好特別。當時我哋冇得落去湖邊，侍應話湖邊的特別活動喺夜晚6-10點舉行，到時先有得出去。
講番食物，撇除貴，其實都ok。餐廳送咗一碟麵包，有2種款式，每款1小片，感覺就有少少孤寒，哈哈哈。。。不過，個法包夾埋牛油係幾鬆脆好食既，而另一塊就好乾~~
（免費贈送）麵包
8 瀏覽
0 讚好
0 留言
黑松露菌忌廉汁麻花捲意粉味濃，雖然冇黑松露菌的獨特香氣，但忌廉汁好濃稠，而菌類亦比較特別，有雞肝菌、羊肚菌等，係外面餐廳唔會用到的雜菌，咁當然個麻花捲意粉亦算少見。對素食者嚟講，呢個意粉算係比較新鮮的選擇，可以一試（鹹咗少少）。
黑松露菌忌廉汁麻花捲意粉
$238
12 瀏覽
0 讚好
0 留言
狗狗爸爸點的5成熟免翁牛柳本來寫明係配鴨肝，不過落單時侍應話冇鴨肝，改大蝦，配菜係薯蓉同露荀。呢碟主菜的份量同意粉一樣唔大，食完唔係好飽。。。免翁牛柳應該係一般水準，狗狗爸爸冇表達任何驚喜。而隻蝦我幫手去殼，覺得佢燒到幾乾，感覺啲肉都「嚡」，應該麻麻哋。
免翁牛柳
$328
10 瀏覽
0 讚好
0 留言
66%朱古力慕絲蛋糕喺之前嚟的時候食過，所以係我哋鍾意嘅甜品。
66%朱古力慕絲
$128
14 瀏覽
0 讚好
0 留言
整體嚟講，聖誕假期嚟過一次體驗就夠，之後就唔會再揀喺大時大節嚟。首先係價錢費，單論食物，性價比係低。然後係環境，嚟Billow擺明係食環境，而節日咁多人（成間餐廳都係食客），真係好難relax，加上限食75分鐘，咁催迫都令人心情緊張，而且餐廳都好難安排到好啲的座位俾帶同寵物的主人。另外就係節日氣氛，Boxing Day一場嚟到，只能保持距離地見到吹氣聖誕老人同埋湖中聖誕樹，除此之外，就唔係太感受到聖誕氣氛，而Lake House外的聖誕樹都幾「流」，影完相睇番，覺得乜棵聖誕樹咁矮既（佢高2米左右）？有食客打完卡同屋企人講：「不如番屋企影啦，屋企果棵仲靚~~」如果真係要喺節日嚟，可以選擇晚市（起碼有活動，可行近湖邊）或午市，而家下午茶時段嚟，食物同午市係一樣，tea time嚟的話，喺心理上係覺得有啲唔抵既
張貼
