長沙滿哥

營業中

休息中

呢間舖頭係朋友推薦我去試下。所以帶埋老公去食下，因為香港好少呢啲咁有特色既菜式。我地叫左個開胃鳳爪 🩷🩷🩷🩷🩷佢呢個口味係麻辣，中意食辣既朋友一定好中意。佢好夠辣，而且佢面上啲辣油好香加埋芝麻芫荽真係好惹味，佢既辣係會令人上癮，忍唔住一舊接一舊食，唔怪得叫開胃鳳爪😂之後我地再叫左梅菜扣肉🩷🩷🩷🩷佢係小小甜味帶點梅菜既鹹香味，同埋佢個扣肉肥瘦啱啱好。不過本身梅菜扣肉都好油，所以食唔到太多舊。但係佢係好食嘅梅菜扣肉👍🏻因為我老公好鍾意食梅菜扣肉，佢都話呢個整得好入味。农家小炒肉🩷🩷🩷🩷🩷呢個係用咗豬油渣炒青椒同埋豬肉，一上台勁香青椒味，而且佢個豬肉都炒得好夠味，同埋佢加埋啲炸過既豬油渣落去炒更加香味。送飯一流。👍🏻最後叫咗長沙炒米粉🩷🩷🩷🩷🩷因為佢上到嚟係河粉 ，我問個店員佢話長沙嘅炒米粉即係等於河粉咁解😂😂原來我誤解左，我以為落錯枱比我地，同埋佢呢個炒河粉好夠鑊氣，炒到條條分明。而且佢加咗啲蛋同埋菜落去炒，好健康，又唔會太油。份量都好大碟。最後飲咗支王老吉解下辣，無諗過湘菜既口味都係偏辣為主，又幾過癮。香港好少地方做到咁正宗又好食價錢又唔會太貴，份量都好足。