九鬼居酒屋 (耀華街)

營業中

休息中

平時去耀華街，都係夜晚去飲酒🍻傾偈，lunch time 都有唔少唔錯餐廳。行到尾尾，有間居酒屋，用武士做主題，旁邊放咗好多搞鬼玩具，舖仔細細，五臟俱全。Lunch time 定食 78元起跳，由生嘅刺身，到熟嘅丼飯到串燒，十幾款選擇。⚫︎五款串燒定食 大蔥雞 免治雞肉棒 牛肩 雞翼 翠玉瓜串燒有炭燒味道，味道恰到好處。免治雞肉配上日本蛋加秘製嘅醬汁，醬汁甜甜地加埋蛋香，令人想食多串。另外牛肩，有肉汁同牛味，單點都好，值得一試。⚫︎角切魚生飯三文魚 間八 油甘 三文魚子 玉子 刺身新鮮，間八同油甘仲好肥美鮮甜！刺身仲有簡單漬過，提鮮咗唔少。另外飯底個base，師傅加咗少少鮮菇同醬油調味，令到個飯香味十足。⚫︎長崎小長井生蠔🦪 蠔肉雖然唔算飽滿肥美，但都好大粒甘甜，入口爽甜軟滑，肉質爽身有咬口，海水味偏淡蠔味適中。餐廳仲有生酮餐，cut咗邪惡嘅飯類，另有沙律配刺身。牆身貼滿sake酒樽紙，想free flow sake 可以加298。另外生蠔4隻加2杯酒388都幾好。