影片
更多
2023-12-07
48 瀏覽
聖誕節就快到啦，一直都想帶媽咪去食番餐好嘅。今次我就揀咗去尖沙咀The One 19 樓嘅鐵板燒海賀，除咗美食，仲有靚景，簡直係味覺同視覺上的雙重享受。入座之後，職員就送上熱茶，同濕毛巾俾我地抹手，呢啲絕對係加分位。👍🏻👍🏻👍🏻係職員嘅介紹下，我哋就揀咗食秋天嘅Menu「木犀」，由頭盤食到落甜品，價錢係HKD728 一位。🎄🎄🎄🎄🎄🎄🎄🎄🎄🎄🎄🎄🎄我哋仲叫咗兩杯特調飲品：有酒精的Oriental Pearl(Gin, Grapefruit, Lemon and Egg white)、冇酒精的Refreshing Lychee(Lychee, Mint leaf, Soda Water)。🔽「前菜3點」由熟蝦醋物、日式炸豆腐及蟹籽蟹肉鱈魚乾組成。上菜時，職員都會細心介紹食物，我自己就最鍾意食蟹籽蟹肉鱈魚。佢入口豐富，鱈魚乾脆脆的，蟹肉有鮮味，再加上脆卜卜嘅蟹籽作點綴，真係想再食。🔽「紫菜蠔汁鮑魚」鐵板燒師傅充分掌握烹調時間，鮑魚不會過熟，入口彈牙，媽咪都話好容易就可以咬開。伴碟嘅醬汁，能夠進一步帶出鮑魚嘅鮮味。職員建議我哋最後先食埋粒鮑魚肝，因為佢味道係最濃的。🔽「桃味噌銀鱈魚」或者「大
聖誕節就快到啦，一直都想帶媽咪去食番餐好嘅。今次我就揀咗去尖沙咀The One 19 樓嘅鐵板燒海賀，除咗美食，仲有靚景，簡直係味覺同視覺上的雙重享受。
入座之後，職員就送上熱茶，同濕毛巾俾我地抹手，呢啲絕對係加分位。👍🏻👍🏻👍🏻係職員嘅介紹下，我哋就揀咗食秋天嘅Menu「木犀」，由頭盤食到落甜品，價錢係HKD728 一位。
🎄🎄🎄🎄🎄🎄🎄🎄🎄🎄🎄🎄🎄
我哋仲叫咗兩杯特調飲品：有酒精的Oriental Pearl(Gin, Grapefruit, Lemon and Egg white)、冇酒精的Refreshing Lychee(Lychee, Mint leaf, Soda Water)。
🔽「前菜3點」
由熟蝦醋物、日式炸豆腐及蟹籽蟹肉鱈魚乾組成。上菜時，職員都會細心介紹食物，我自己就最鍾意食蟹籽蟹肉鱈魚。佢入口豐富，鱈魚乾脆脆的，蟹肉有鮮味，再加上脆卜卜嘅蟹籽作點綴，真係想再食。
🔽「紫菜蠔汁鮑魚」
鐵板燒師傅充分掌握烹調時間，鮑魚不會過熟，入口彈牙，媽咪都話好容易就可以咬開。伴碟嘅醬汁，能夠進一步帶出鮑魚嘅鮮味。職員建議我哋最後先食埋粒鮑魚肝，因為佢味道係最濃的。
🔽「桃味噌銀鱈魚」或者「大蝦配蟹膏醬」
兩個人去食就最好啦，可以兩樣都試齊。
🔽「桃味噌銀鱈魚」
銀鱈魚好滑，但沒諗過白桃同味噌兩者係咁夾，完全冇搶大家風頭，係濃郁嘅味噌之下，入口仍然有白桃的清香。
🔽「大蝦配蟹膏醬」
蝦肉入口新鮮彈牙，食嘅時候一定要點埋蟹膏醬，滋味即刻上升。旁邊兩塊脆卜卜多士用嚟點蟹膏醬食，一樣咁正。
🔽「牛柳配鵝肝」
牛柳我哋揀五成熟，入口有濃濃嘅牛肉味，而且係嫩滑多汁，食嘅時候仲可以配埋炸蒜片。鵝肝的表面燒至金黃色，配上黑蒜汁，油脂在口腔化開。
🔽主食「黑松露和牛炒飯」同「鰹蜆湯烏冬」
二選一。炒飯粒粒分明，烏冬就彈牙。點揀？就睇大家鍾意食飯定麵多啲。
🔽甜品「抹茶芝士蛋糕」同飲品（咖啡/茶）
特別想講下杯熱朱古力，真係非常有驚喜，竟然打咗奶泡，仲有朱古力粉。
🔽成餐飯都食得好開心，又有美食，又有靚景睇。仲要讚一下店員嘅服務質素，除咗上菜會介紹之外，仲不停幫我地加茶，了解我哋嘅需要！
張貼
