鐵板燒海賀

營業中

休息中

The ONE 19樓嘅海賀kaika teppanyaki，自己好鐘意，除咗有鐵板燒吧枱座位，都有窗邊睇到維港景，好開揚🫶🏻今期鐵板燒有限定🌸春日會席 $780（原價$980）🌸🌺春日精選前菜兩點汁煮螺肉：好入味新鮮飛魚子：口感爽脆，汁料微酸，開胃前菜好清新🥢刺身三點有甜蝦、櫻鯛薄切、初鰹配洋蔥酸汁，三款都好食🤤🥄蜆清湯清甜，蜆肉大粒😍🤍煮春野菜海鮮腐皮有蝦、薄帶子、腐皮，腐皮又薄又滑，口感細滑🥢鐵板燒蟶子皇 配 文也汁好新鮮，肉鮮鮮甜，醬汁香口🐟鐵板燒比目魚 配 蕃茄醬比目魚煎得香，質地軟滑好食🐮鐵板燒美國牛肉眼薄燒牛肉薄燒好好食，有牛味又香，配山椒汁、辣汁忌廉，味道清新啲可解膩，仲有炸蒜片可以一齊食🍚櫻花蝦炒飯炒得粒粒分明又香口，唔算太油膩，有蛋香～- 甜品 -🧡蜜柑最中餅💰春日會席 $780（原價$980）🚩鐵板燒海賀 (尖沙咀) @kaika_hk 📍尖沙咀彌敦道100號The ONE 19樓

呢晚去咗尖沙咀食呢個秋冬會席，價錢抵食又好味！前菜係鮟鱇魚乾同鰻魚，一上嚟就好有日本風味，鮟鱇魚乾鹹香濃郁，帶啲海味，而鰻魚就比較柔軟，入口肥美，兩者味道有層次感，開咗個好頭。刺身部分新鮮到冇得彈，金槍魚油脂分布均勻，甜蝦又鮮甜又有少少黏口嘅感覺，啱晒鍾意食軟滑口感嘅人。跟住係松葉蟹大根煮物,煮物就好清新，松葉蟹嘅鮮甜滲晒入大根入面，大根煮到軟淋淋，但又保持到口感，湯汁飲落有淡淡嘅和風味，幾暖胃。下一道菜係甘鯛立鱗燒芒果蛋黃醬，呢道菜係一大亮點，甘鯛燒到魚鱗脆脆地，魚肉又嫩滑，再配埋芒果蛋黃醬，有少少甜同香濃嘅酸味，好有創意。仲有呢個鐵板燒帆立貝松茸清湯，帆立貝煎得外面微焦，入面仲係滑嘅，配埋松茸清湯，湯底鮮得嚟唔會搶味，兩者非常襯。大蝦蝦肉彈牙，蜜糖山葵醬係甜中帶辣，唔會過於搶口，呢個醬真係唔錯，令到大蝦味道更加突出。鐵板燒美國牛肉眼薄燒好吸引，牛肉薄切，燒到啱啱好，油香味十足，但唔會太膩，肉質仲保持到軟嫩，真心好食。最後上嘅三十六個月風乾伊比利亞火腿炒飯係一個完美收尾，火腿鹹香，炒飯粒粒分明，仲帶少少焦香味，飽肚又滿足。

一直bookmark了這間餐廳很久了，集合了美食和美景的餐廳一直很想等待有東西慶祝時才來的，但遲遲都還未有🙈最近的壓力太大了，決定要好好的慰勞自己一番！•一入到餐廳，餐廳問我們想坐bar店還是近景的但覺得鐵板燒是精粹就是看廚師們叮噹的煮野食聲，也是一種享受，做決定坐bar台了。•點了秋冬會席的menuz，一共有9味菜！！$880 先來前菜： 海鰻昆布&鮟鱇魚肝新鮮 滿足了我餓的肚子😂秋冬精選刺身喜歡油甘魚的鮮 不會太肥 也沒有筋! •松葉蟹大根煮物絕對可以來三碟我也可以全清的！來了點暖胃的食物，中根十分鮮甜且淋，吸收了蟹的味道，連湯也十分鮮甜! •甘鯛立鱗燒芒果蛋黃醬甘鯛烤得香脆又不油膩！芒果蛋黃醬是挺新鮮的combination，有創意！•鐵板燒帆立貝松茸清湯廚師功妙地知道是時候來了點熱的東西，燒帆立煮完也保持大大粒，加了貝松茸清湯，有點補身的感覺 哈哈 令人想追加! •鐵板燒大蝦蜜糖山葵醬又來到海鮮！燒海鮮！用鐵板燒的是令人更有風味更香口的！蜜糖山葵醬配著著香口餅乾是神來之筆，喜歡蝦頭的香及有點膏！蝦身也是爽口的！•鐵板燒美國牛肉眼薄燒是晚的重點！沒有加錢叫了厚身，因為薄身也夠香氣

第一次黎呢度食鐵板燒，見佢秋冬會席套餐做緊特價，就試一試佢🥢精選秋冬前菜兩點鮟鱇魚肝入口好creamy，唔會有啲內臟味碗上酸汁食，既可消膩，作為前菜都好開胃鰻魚似輕輕燒過，入口軟滑🥢秋冬刺身3點本身係甜蝦，但因為我有敏感，所以餐廳好細心幫我轉左帆左貝🤗好厚肉仲亦都好鮮味另外2款係深海池魚同赤身池魚好重魚味，赤身入口好軟滑🥢松葉蟹大根煮物最頂個層係啲鮮肉，非常之鮮甜中間個層係類似蟹餅咁，最底就係大根，成個配搭好多層次🥢甘鯛立鱗燒個皮都食得，連啲鱗都食得而且整得好脆！魚肉好嫩滑，估唔到配左個芒果醬又真係幾夾🥢鐵板燒帆立貝 松茸清湯帆立貝無燒到全熟，面頭小脆，入面仲好軟滑每一啖都好有帆立貝嘅鮮味🥢鐵板燒大蝦 蜜糖山葵醬大蝦真係好大🤣蝦頭好蟹膏好鮮味同埋燒得好好，面頭少少乾身同脆口，入面都係岩岩熟🥢美國肉眼薄燒包左啲蔥係入面，牛肉燒到好juicy配左辣根芥末醬同黑椒燒汁，所以食落都幾惹味但我比較鍾意配炸蒜片食多啲😆🥢伊比利亞火腿炒飯炒得好有鑊氣，好乾身👍🏻真係睇得出係粒粒分明食落好香口🥢甜品🍹Ananas Comosus呢杯就比較夏日feel，十分之解膩🍹Callisia Repens真係好重

今晚黎左呢間位於尖沙咀The One 19樓的鐵板燒到食飯慶祝紀念日🥰🥰坐係Bar枱前就可以欣賞到廚師點烹調食物😂慶祝紀念日當然要叫兩杯Cocktail啦。Sorrento Gin base，有好濃的甜甜芒果味，女仔一定啱飲。另一伴叫左Mentha Suaveolens主要有Vodka，White Wine，Green Apple Lime同Soda Water，又係調得好好飲，好清新。秋冬會席 每位$880精選秋冬前菜兩點海鰻昆布&鮟康魚肝，職員介紹話先食個魚肝，入口即溶又夠濃味；海鰻昆布有點酸味，好開胃。秋冬精選刺身分別有油甘魚、金槍魚和甜蝦，全部都好新鮮肥美😍松葉蟹大根煮物大根同蟹肉中間仲夾左舊炸豆腐，蟹肉鮮甜，大根好入味好淋。甘鯛立鱗燒芒果蛋黃醬個鯛魚連魚鱗去煮炸，外脆內嫩，加埋個芒果蛋黃醬好夾。鐵板燒帆立貝松茸清湯燒過的燒帆立好爽口彈牙，上面有兩片松茸，好香，連佢個湯都好飲到飲清。鐵板燒大蝦蜜糖山葵醬燒大蝦好爽，調味做得好好，點埋個蜜糖山葵醬食，再配合多士一齊食，好夾。鐵板燒美國牛肉眼薄燒師傅會問想要幾多成熟，我哋揀左五成，牛肉包住啲乾蒜同日本蔥去燒，牛肉味幾夠濃同好juic

今次嚟到尖沙咀呢間鐵板燒，位於The One 19樓，環境優雅，窗邊位望到維港海景，而坐吧枱就可以望到廚師親自整鐵板燒，服務亦非常周到貼心，係滿分嘅體驗，氛圍感十足。今次揀嘅set係春日會席 $780 per 1🍴前菜：鮟鱇魚肝、蟹肉青瓜漬鮮甜嘅蟹肉🦀配上清新爽口嘅青瓜，清淡而有鮮甜，作為口胃菜一流。魚肝口感細滑，好似鵝肝但較為有咬口😝。🍴刺身：甜蝦、薄切櫻鯛同初鰹配洋蔥酸汁先食薄切櫻鯛，非常新鮮，口感好Q彈。厚切鰹魚肉質好厚實，啖啖肉好滿足😍。而甜蝦都好鮮甜🦐。🍴蜆清湯好甘甜！淡淡嘅蜆味充斥着成個口腔，飲完個胃暖笠笠🍲。🍴春野菜海鮮腐皮有大蝦有帆立貝🦪，腐皮嘅豆味好濃郁，加埋一齊食味道好match，滑滑嘅腐皮配上彈穿牙嘅海鮮口感好有層次。🍴鐵板燒蟶子皇蟶子燒到金黃色，賣相非常吸引，口感非常爽脆，燒完都仲好Juicy💦，蘆筍亦都好爽脆香口。🍴鐵板燒比目魚魚柳燒到好香，但魚肉口感依然好嫩滑😋，底部嘅魚皮燒到焦脆，啖啖都係好濃郁嘅魚油香❤️。🍴鐵板燒美國牛肉眼薄燒先將香蔥燒香，然後用薄切牛肉眼將香蔥捲起。食落牛嘅油香好濃厚而順滑🥩，裏面嘅蔥味再散發出嚟，減輕咗油膩感之餘仲有淡淡嘅清新😙。🍴櫻

今日去到尖沙咀The One商場，從來都唔發覺坐升降機上樓上，原來有好多好嘢。今次去到19樓食晚飯，呢間係高級日本餐廳，以鐵板燒同埋日式料理為主，餐廳非常寬敞，分別有幾個zone，每個zone各自都有吧枱，每個個枱都企咗一至兩位大廚，客人可以坐喺大廚面前，一路睇住佢製作鐵板燒，燒完即刻上碟，然後遞到你面前，保證新鮮熱辣，仲可以睇到大廚嘅高超廚藝。行到餐廳最入面，係超大玻璃窗，面對維港嘅美景，特別係夜晚嘅景色，配合餐廳暗暗嘅燈光，增添整個餐廳嘅氣氛，好適合2人約會，或者慶祝節日。今日兩個人，我哋揀咗「春日精選套餐」，套餐已包含菜單內所有食物，按人頭收費。套餐包括前菜：螺肉和魚春冷盤，螺肉非常爽口，魚春配合酸酸地嘅醬汁，非常開胃。接着，飲一碗熱辣辣嘅「蜆肉清湯」，當入邊有好多連殼嘅蜆肉，味道清甜。接着係刺身小食，包含季節性嘅白身魚、鰹魚、甜蝦刺身等等，新鮮又美味。第四味菜式係「海鮮煮腐皮」，入面包含蝦肉、帶子、白身魚、腐皮、荷蘭豆等等食材，腐皮非常滑，又入口即溶嘅感覺，海鮮嘅鮮味融入腐皮之中，呢道菜式好特別，非常推介。接着開始鐵板燒，先嚟一碟「鐵板燒蟶子皇配文也汁」，還有一種法國醬汁，香濃

為咗慶祝考完試，今日就同朋友去咗食鐵板燒，每樣嘢食都十分高質我哋坐咗喺吧枱，每道菜都可以觀賞到廚師精湛嘅廚藝，廚師都好Nice，會不時同你傾吓偈😊服務周到😆我哋叫咗佢嘅春日會席，而家做緊特價， $780一位✨春日精選前菜兩點✨左邊嗰一款係煮海螺，海螺整得好軟腍，吸收晒醬油嘅味道；右邊係類似飛魚子嘅果凍，入口好爽甜，啲魚子一粒粒爆開，好特別😋😋✨甜蝦、櫻雕薄切、初鰹魚配洋蔥酸汁✨蝦入口好鮮甜爽口；鯛魚採用咗薄切嘅方式，配上洋蔥酸汁好清新；鰹魚有少少炭燒過嘅香氣，回味無窮。✨蜆清湯✨蜆肉好大隻，湯頭好清澈，飲完成碗好暖胃😋✨煮春野菜海鮮腐皮✨日式嘅和風料理之一，腐皮好重豆味，十分滑嫩；裡面嘅海鮮亦都好多種類，有大蝦、帆立貝等，帆立貝亦都好大隻😍 ✨鐵板燒蟶子王配文也汁✨蟶子爽脆多肉，一啲都唔靭，配上爽口嘅蘆荀，更上一層樓😆✨鐵板燒比目魚配蕃茄醬✨師傅將比目魚嘅皮燒得焦香脆口，魚肉則十分滑嫩，形成外脆內軟嘅效果，配上酸甜嘅蕃茄汁，好有層次😋✨鐵板燒美國牛肉眼薄燒✨叫咗五成熟，薄薄嘅牛肉包裹住蔥同蒜蓉等配料，好滿足；配上忌廉芥末汁同燒汁，增添風味。✨櫻花蝦炒飯✨炒飯配上蛋白同蛋黃，帶有淡淡櫻花

今晚我約了母親一齊去尖沙咀彌敦道100號THE ONE 19樓的餐廳用餐，這間店叫做鐵板燒海賀。對於這次的晚餐，我選擇了秋冬會籍套餐，真係好豐富！套餐包括兩款精選秋冬前菜，還有一款秋冬精選刺身，特別是金槍魚和甜蝦，味道鮮美得令人陶醉。接著是松葉蟹大根煮物，蟹肉嫩滑，湯底清甜，實在令人回味無窮。然後是金雕立鱗燒配上芒果蛋黃醬，這道菜的搭配令人驚喜，果香和鹹味融合得剛剛好。我最期待的還有鐵板燒帆立貝松茸清湯，湯底清澈，帶著海味，帆立貝鮮嫩可口。接下來是鐵板燒大蝦，搭配蜜糖山葵醬，味道獨特，讓人一試成主顧！最後，還有鐵板燒美國牛肉眼薄燒，肉質鮮嫩，讓我忍不住一口接一口。餐後甜品也是必不可少的，為這頓美餐畫上完美的句號。餐飲方面，我選了20th Gen和Rosemary，味道都好好，助興不少。#鐵板燒海賀 #尖沙咀彌敦道100號THE ONE 19樓

今晚同朋友嚟咗尖沙咀The ONE嘅鐵板燒海賀。餐廳喺19樓，景色一流，可以飽覽成個維港。我哋每人嗌咗個鐵板燒套餐，原價$980，而家做緊特價$780，真係超值。—————————————————春日会席 $780/人春日精選前菜兩點- 海螺同埋數之子（鯡魚子）加埋木魚，味道清新開胃。刺身三點- 甜蝦、右口魚同埋初鰹配洋葱酸汁，每款都新鮮爽口。蜆清湯- 清甜嘅蜆湯，簡簡單單但係好飲。煮春野菜海鮮腐皮- 海鮮同腐皮煮得啱啱好，春野菜好Fresh。鐵板燒蟶子皇 配文也汁- 蟶子皇好肥美，同蘆筍一齊炒，更加好味。鐵板燒比目魚 配 蕃茄醬- 比目魚煎得香脆，蕃茄醬入面加了煙肉，少少辣，好有口感。鐵板燒美國牛肉眼薄燒- 牛肉眼薄燒配意大利蕃茄、炸蒜、有馬山椒燒汁同埋辣根忌廉，每一啖都係享受。櫻花蝦炒飯- 炒飯香噴噴，櫻花蝦嘅鮮味完全入咗飯度。麵豉湯- 傳統嘅麵豉湯，味道濃鬱。漬物- 漬物開胃，同主食好夾。甜品- 香檳吉士配金桔，用手食，感覺特別。另外，我同朋友每人都嗌咗杯Mocktail。.- Ananas Comosus $108：熱情果、菠蘿、青檸同埋姜啤，清新提神。.- 20th Gen

快到情人節，友人求生意志好強，立即book好餐廳話提早慶祝🤭今次揀咗呢間位置於尖沙咀嘅鐵板燒🍽️餐廳有塊大玻璃，可以飽覽尖沙咀的夜景。-秋冬前菜兩點穴子昆布—酸汁鮟鱇魚肝穴子肉質鮮嫩，帶有自然的甘甜。與昆布的鮮咸味道結合，形成豐富層次感。鮟鱇魚肝質地柔滑，入口即化，具獨特的鮮香。-秋冬精選刺身油甘魚—赤身—甜蝦刺身肉質細膩，富有彈性，口感滑嫩。魚肉中油脂愈咀嚼愈香，吃起來唔會乾柴。而甜蝦就有獨特的甜味。-松葉蟹大根煮物松葉蟹肉質鮮甜，令人一口接一口。中間層係炸豆腐，十分香濃嫩滑。最底層係大根，軟嫩的大根吸收了蟹肉鮮味，很香甜-甘鯛立鱗燒芒果蛋黃醬甘鯛的肉質鮮嫩，把外皮燒製成微脆，令內部魚肉保持多汁。芒果蛋黃醬滑順，魚肉鮮味與芒果甜香，味道消新又不膩，令整體風味提升了。-鐵板燒帆立貝松茸清湯經鐵板燒後的帆立貝外表微焦，入面保持嫩滑，口感鮮美。松茸香氣濃郁，與帆立貝的鮮味互相交織，形成獨特風味。清湯口感清淡，更提升松茸同帆立貝的鮮。山椒汁-鐵板燒大蝦蜜糖山葵醬大蝦外焦內嫩，肉質彈牙，鮮甜可口。醬料蜜糖的甜味與山葵的辛辣結合，令味道更加豐富。再附上脆多士，可以一啖蝦肉一啖多士，口感更有層次。-

360度無死角全海景 靚景鐵板燒🥰位於The One 19樓嘅鐵板燒海賀超高樓層海景 望晒成個維港 晚餐嘅時候仲可以睇到幻彩詠香江😆絕對係慶祝嘅首選👍🏻試咗佢哋嘅春日Menu 做緊特價 只係$780/位 就食到啦😍🥢春日精選前菜兩點鮟鱇魚肝 味道濃郁 每一啖都試到魚嘅鮮味😍自家製醃海螺 螺肉彈牙 醃製得非常入味🥢甜蝦 櫻鯛薄切 初鰹配洋蔥酸汁刺身非常新鮮 特別係櫻雕薄切 味道非常鮮甜🥢蜆清湯超大粒蜆 蜆湯非常鮮味 完全帶出蜆嘅鮮甜味道🥢煮春野菜海鮮腐皮大量海鮮 加上腐皮煮食 有少少似豆乳嘅味道🥢鐵板燒蟶子皇配文也丫蟶子超大隻 肉質彈牙 配菜蘆筍都好唔錯🥢鐵板燒比目魚 配 蕃茄醬比目魚肉質非常嫩滑 完全冇魚腥味🥢鐵板燒美國牛肉眼薄燒全晚嘅焦點😍肉眼牛肉包住蔥同埋蒜非常惹味 而且配埋旁邊嘅炸蒜一齊食層次感分明 配上兩種自家製醬汁 回味無窮🥢櫻花蝦炒飯加入大量櫻花蝦 炒飯粒粒分明 勁香😍🥢甜品是日甜品係金橘吉士脆餅 非常特別

鐵板燒盛宴，價位為每位 $880前菜：海鰻昆布、鮟鱇魚肝海鰻嘅鮮味與昆布嘅清香相得益彰鮟鱇魚肝非常細膩，口感滑順刺身包含金槍魚、油甘魚和甜蝦金槍魚肉質厚實、油甘魚帶有淡淡嘅甜味，而甜蝦係我最鐘意食嘅，鮮甜得嚟質感清新甘鯛立鱗燒芒果蛋黃醬魚皮烤至酥脆，每片魚鱗咬落口都脆卜卜，搭配芒果蛋黃醬嘅甜美鐵板燒帆立貝松茸清湯睇住師傅燒帆立貝，燒完嘅帆立貝好嫩滑，配搭松茸令湯底更鮮美，感受到海鮮嘅極致風味鐵板燒大蝦蜜糖山葵醬大蝦肉鮮嫩，山葵醬嘅微辣感同蜜糖嘅甜味，非常開胃鐵板燒美國肉眼薄燒肉眼肉質極為鮮嫩，油脂分布均勻，烤至完美的五分熟，肉香四溢36個月風乾伊比利亞火腿炒飯食完鐵板燒配返個炒飯，米飯粒粒分明，火腿嘅鹹香味滲透其中，十分美味抹茶紅豆布甸以抹茶紅豆布甸作為結尾，清新嘅抹茶風味與紅豆嘅甜度相互輝映，為這頓美餐畫上完美的句號

鐵板燒盛宴，價位為每位 $880前菜：海鰻昆布、鮟鱇魚肝海鰻嘅鮮味與昆布嘅清香相得益彰鮟鱇魚肝非常細膩，口感滑順刺身包含金槍魚、油甘魚和甜蝦金槍魚肉質厚實、油甘魚帶有淡淡嘅甜味，而甜蝦係我最鐘意食嘅，鮮甜得嚟質感清新甘鯛立鱗燒芒果蛋黃醬魚皮烤至酥脆，每片魚鱗咬落口都脆卜卜，搭配芒果蛋黃醬嘅甜美鐵板燒帆立貝松茸清湯睇住師傅燒帆立貝，燒完嘅帆立貝好嫩滑，配搭松茸令湯底更鮮美，感受到海鮮嘅極致風味鐵板燒大蝦蜜糖山葵醬大蝦肉鮮嫩，山葵醬嘅微辣感同蜜糖嘅甜味，非常開胃鐵板燒美國肉眼薄燒肉眼肉質極為鮮嫩，油脂分布均勻，烤至完美的五分熟，肉香四溢36個月風乾伊比利亞火腿炒飯食完鐵板燒配返個炒飯，米飯粒粒分明，火腿嘅鹹香味滲透其中，十分美味抹茶紅豆布甸以抹茶紅豆布甸作為結尾，清新嘅抹茶風味與紅豆嘅甜度相互輝映，為這頓美餐畫上完美的句號

慶祝周年紀念日，老公帶咗我去尖沙咀高空靚景餐廳食鐵板燒，食物亦都好高質😍落地大玻璃窗望住靚景，亦可以坐吧枱睇住師傅料理食材❤️今次試了秋冬會席套餐 $880/1◾️精選秋冬前菜兩點（鮟鱇魚肝、昆布穴子 ）魚肝味道濃郁、口感軟滑化在口中◾️秋冬精選刺身油甘魚、金槍魚、甜蝦三款刺身都很新鮮，由淡至濃入口◾️松葉蟹大根煮物️上層松葉蟹肉，中間炸豆腐，口感外脆內軟，底層汁煮大根，配上香菇枝豆清湯，整體好鮮甜層次豐富◾️甘鯛立鱗燒芒果蛋黃醬 魚皮炸非常香脆，魚肉鮮嫩，沾上自家製芒果蛋黃醬，更fresh◾️鐵板燒帆立貝松茸清湯 師傅將帆立貝煎得外層焦香，內裏仍軟嫩，配上清甜的松茸清湯，非常鮮味◾️鐵板燒大蝦蜜糖山葵醬師傅煎鐵板燒大蝦時非常吸引，大蝦肉質彈牙，配上多士及蜜糖山葵醬◾️鐵板燒美國牛肉眼薄燒包住香蒜和香蔥，口感軟嫩非常多肉汁，牛味香濃◾️36個月風乾伊比利亞火腿炒飯◾️紅豆抹茶布甸◾️mocktail